by Flor Jackson

Manila (11 December) -- Si Presidente Gloria Macapagal-Arroyo nanawagan sa Department of Environment and Natural Resources (DENR) sa pag seguro nga ma-protektahan ang tinubdan sa tubig dinhi sa atong nasud.

"Akong gi-aghat ang DENR sa pag panalipod sa maong mga tinubdan sa tubig, apan kitang tanan magbuhat sa atong bahin aron ang atong mga suba, salog ug ang mga lugar nga duol atong mga water tables ug reservoirs sa pag mantenir sa kalimpyo sa tanang panahon," matod pa niya.

"Dili nato pasagdan ang atong tinubdan sa limpyo nga tubig,"dugang pa niya. Ang DENR nag-ingon nga ang problema sa supply sa tubig uban na niini ang mga kalamidad nga may kalabutan sa tubig nag-tikadako dinhi sa atong rehiyon ug ang mga lideres gikan sa 49 ka mga nasud sa Asia-Pacific namiling ug mga kasulbaran sa maong problema.

Atong gihisgutan dinhi, pananglitan, ang mosubra sa 700 ka milyong nga mga tawo nga kablas sa tubig nga mainom ug laing 1.9 ka bilyon ang dili makatagam sa hustong sanitasyon,"matod pa ni DENR Secretary Lito Atienza.

Si Atienza ning tambong dili pa lang dugay sa gipahigayon nga 1st Asia-Pacific Water Summit didto sa Japan komo nangulo sa Philippine delegation, diin siya ning representar kang Presidente Arroyo.

"Ang tubig mao'y atong hingpit nga kinahanglanon ug ang pagtagamtam sa limpyo nga tubig usa ka grasya o bendisyon. Ang limpyo nga supply sa tubig may katapusan gihapon labi na kung atong hugawan ang atong tinubdan sa tubig pinaagi sa hugaw nga gikan sa panimalay ug sa mga industriya,"matod pa ni Atienza.

Apil sa mga lakang nga gihimo sa DEBR aron pagpanalipod sa tinubdan sa supply sa ilimnon nga tubig mao ang paglimpyo ug pag bungkag sa mga pabhas ug mga fish cages sa Laguna de Bay ug uban pang mga lawa ug sapa dinhi sa nasud.