by Flor Jackson

Manila (13 December) -- Si Presidente Gloria Macapagal Arroyo nag issue sa Administrative Order numero 213 nga magtugot sa pag release sa pundo alang sa performance bonus ngadto sa mga government workers ug ang total amount kinahanglan dili mosubra sa P10,000 matag empleyado.

Ang Presidente mapasalamaton samtang siya ning ila sa himsug nga ekonomiya sa nasud ug ang mga ahensya sa gobyerno nga ning tabang pinaagi sa ilang natigom nga kwarta. Ang Presidente ning ila usab sa kontribusyon sa mga magtatrabaho sa gobyerno pinaagi sa ilang mga responsibilidad nga ilang gituman ug ang de kalidad nga serbisyo nga ilang gihatag ngadto sa mga molupyo sa nasud Pilipinas.

Ang performance bonus ihatag ngadto sa mga empleyado sa gobyerno nga permanent, temporary, casual o contractual sa tanang mga national government agencies uban na niini ang mga government-owned and controlled corporations ug mga government financial institutions.

Ang mga government workers nga nagtrabaho ubos sa upat ka buwan makadawat ug pro-rated nga performance bonus. Samtang ang nagtrabaho sulod pa lamang sa tulo ka buwan makadawat ug 40 por syento sa P10,000 o kon P4,000 samtang kadtong nag trabaho sa duha pa lang ka buwan makadawat ug 30 por syento. Ang nagtrabaho sulod pa lamang sa usa ka buwan makadawat ug 20 por syento ug kadtong wala pa mag usa ka buwan sa pagtrabaho makakuha ug 10 por syento.