Cebuano News: Serbisyo dili survey ang mahinungdanon, matud ni Saludo
By Erna Sy Gorne
Manila (13 December) -- Serbisyo, dili survey, ang mahinungdanon, matud pa ni Cabinet Secretary Ricardo Saludo kalabot sa pinaka-ulahi nga Pulse Asia survey. Iyang gi-awhag ang publiko sa dili madali-dali og pagtoo sa walay basehan nga mga pasumangil, sa pag-ingon nga ang survey dili manggi-angayon.
Dili ikadumili nga daku ang inpluwensya sa Pulse Asia nga survey nga gikatahu ning nanglabay ng mga bulan. Pero magka-usab ra gihapon ang mga hunahuna sa mga tawo sa higayon nga Makita nila nga walay basehan ang mga pasumangil sa gobierno.
Pananglit, matud sa usa ka senador nga kuwarta sa Philippine National Police (PNP) o kuwarta sa mga negosyante ang gipanghatag sa mga gobernador og knogresista. Ang nahitabo, ang Liga ng mga Lalawigan og partidong Kampi ang nanghatag.
Importante usab nga dili dayon motoo sa mga pasumangil nga walay basehan. May nagsulti nga ang gobierno daw ang nagpaboto sa Glorietta, pero gas diay. May nagsult mahitungod sa bank account sa Germany, human pangayo-I og mga katibayan, walay ebidensya. May nag-estroya mahitungod sa gipanaghisgotan ni Secretary Neri og sa Presidente, diin si Secretary Neri mismo, naghimakak niini. Sa atong pagtan-aw og pagbasa sa media og sa Senado, pangutan-on nato kanunay kung aduna bay ebidensya gikan sa pasumangil, og dili motoo dayon kon walay ebidensya nga gidukiduki.
Hinoon, may dili manggi-angayon ang maong survey. Nganong sa pangurakot lamang ang gipangutana? Ngano nga dili ang kakayahan sa pagpadagan sa ekonomiya, pagtabang sa mga OFW nga na-ipit, pagbalanse sa budget, pagpakunhosa kapobrehon?
Pinakakusganon sa 20 anyos ang paglambu sa ekonomiya, Kaniadtong unang tuig, sumala sa World Bank, mas ubos sa 10% sa populasyon ang nagkaraos nga Pilipino, sa unang panahon sa atong kasaysayan, ilabina sa pagkubos sa 2007. ug nahi-ubos nato ang budget deficit gikan sa P210 bilyones ngadto sa P 62 bilyones kaniadtong unang tuig og nabalanse na sa 2008. Ug labaw sa P 30 bilyones ang nadugang sa budget para sa serbisyo sa katawhan og maingon man sa imprastruktura. Ngano nga wala ilakip kining mga butanga? Ug kon gusto gayud mahibalo-an kalabot sa pangurakot, nganong dili man ipangutana kong kinsa ang pinakakurakot nga senador o negosyante?
Hinoon, wala hatagi'g pagtagad sa Presidente ang pagtaas-pag-ubos sa mga survey. Ang pinakamahinungdanon mao ang walay puas nga pag-serbisyo sa Presidente sa milyong-milyong Pilipinhon, og dili ang iyang rating sa mga survey nga gikuha gikan sa 1,500 ka mga tawo lamang. (PIA) [top]
