Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/12/13

Cebuano News: Pag-gama og human rights action plan ug program gimando ni PGMA

Manila (13 December) -- Si Presidente Gloria Macapagal Arroyo mimando sa Presidential Human Rights Committee (PHRC) nga sugdan na ang pag-gambalay sa National Human Rights Action Plan and Program (NHRAPP) nga maoy "magsilbing dalan tumong sa gimbuhaton sa tawhanong katungod sa mosunod nga lima ka tuig."

Sa iyang pagpamulong dihang gihandum ang Human Rights Week nga didto gihimo sa Heroes Hall sa Malacanang kagahapon sa buntag, ang Presidente nag-awhag sa tanang miapil sa aktibong pagsalmot paghimo sa Human Rights draft aron mapakita "nga naghatag kita og igong importansisya sa pagduso ug pagpanalipod sa tawhanong katungod nga gi-ambitan sa kinatibuk-ang pamilya sa tawo."

"Ang Presidential Human Rights Committee nga gipangulohan ni Executive Secretary Eduardo Ermita magsugod na sa mga kalihokan nga gikinahanglan aron tigomon ang tanang nagpakabana alang sa National Human Rights Action Plan and Program, ug kini mao unya ang magsilbing dalan aron malihok ang kabahin sa human rights sa mosunod nga lima ka tuig," nagkanayon si Presidente Arroyo.

Gitumbok sa Presidente nga ang NHRAPP maglatid sa mga lakang aron mas dugang pa nga mapakaylap ang katungod sa mga kabataan, kababayen-an ug uban pang mga talandugon nga hut-ong sa katilingban.

Gidugang pa niya nga ang team nga gipadala sa United Nations (UN) nagpaluyo sa NHRAPP, samtang ang Japan, United States, Australia, ug New Zealand "naglihok uban ang atong mga imbistigador ug security sectors kinsa maoy nanalipod sa atong sosyedad gikan sa mga elemento nga supak sa balaod."

"Atong gikahinaman nga mabati gikan sa European Union kon unsa usab ang ikatampo nila nga tabang alang kanato," matud sa Presidente.

Subay niini, ang Presidente misubli sa baruganan sa gobyerno sa nagapadayon nga peace process sa Mindanao ingon man ang pagkunhod sa kapobre, kay alang kaniya kining duha "hugot nga nalambigit sa tawhanong katungod."

Ang sabot-sabot alang sa kalinaw sa Mindanao maoy nag-unang gitagad sa Presidente isip mao unyay mamahinong kabilin sa iyang pangagamhanan, ug ngani gipalapdan niya kini pinaagi sa paghimog mga inter-faith dialogue, pagpalambo sa ekonomiya, ug bahin sa seguridad.

"Ang kalinaw didto sa Mindanao usa ka isyu sa tawhanong katungod, ingon man ang pag-haw-as sa kawad-on, nga maoy nag-una natong gipangandoy," sumala pa sa Presidente. (PIA-Southern Leyte) [top]

|«  prev  next  »|
DAILY NEWS LIST:
»Christmas gift through strengthened educational system
»Cops urged to stop sale of pyrotechnics
»PGMA's major achievements cited
»PNP all set for transport strike
»DavNor gov cites DIDP role in province
»Davao Norte to get share of Palace gifts
»Gold-rush river expects to regain its clear water
»Davao bizmen share apprehensions on transport strike
»Davao chamber seeks clarification on travel advisories
»Davao Light donates rice to TF Davao for Lumads
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines