Cebuano News: PGMA mipasalamat sa pagsuporta sa Bicol Region LPSA
By Lanie Pitao-Tupaz
Manila (14 December) -- Mipasalamat si Presidente Gloria Macapagal-Arroyo sa Local Peace and Security Assembly (LPSA) sa rehiyon sa Bicol sa ilang pagsuporta sa panglantaw sa presidente pagwagtang sa komunismo sa nasud sa tuig 2020.
Sa pagpagpamulong ni Presidente sa duha ka adlaw nga asembleya sa LPSA sa Masbate, ang LPSA misumite usab sa ilang consolidated output sulod sa duha ka adlaw nga naglakip sa ilang pagsuporta sa administrayong Arroyo sa pagtapos sa mga kalihokan paglaban sa pangagamhanan ug komunismo sa tuig 2010 pinaagi sa hiniusang kalihokan sa mga local nga pangagamhanan sa tibuok nasud, pagtotok sa atensyon ug mga kakayahan alang sa ekonomikanhong kauswagan, kalamboan, ug patas nga pagbahin-bahin sa mga bahandi sa nasud.
Si Presidente Arroyo mitataw nga ang komunismo dugay na nga nakababag sa kauswagan sa mga kaprobinsiyahan tungod kay ang mga turista maghunahuna pa ug makaduha usa pa magdesider pagbisita ug usa ka lugar bisan pa man sa kamaanindot niini apan nahibaw-an nga gikutahan sa mga komunistang rebelde.
Sanglit kung gusto nato makab-ot ang First World status, gikinahanglan atong undangon ang walay pulos nilang mga ideolohiya karon hangtod kini mawala kutob sa tuig 2010.
Subay niini nga mga kalihokan mao ang pagpanghatag sa bugas ug Christmas groceries sa mga pinakakabus sa mga kabus.
Gianunsiyo usab ni Presidente ang pag-release sa 8,000 ka mga high school scholarship vouchers alang sa Bicol region, ang pagdugang sa mga pampublikong botika, ang pag-convert sa Bicol Regional Teaching Hospital ngadto sa Heart and Lung Center, ug ang maintenance sa Quirino ug Andaya Highways aron mamenusan ang gasto sa trasportasyon nga sa ingon mapamenos usab sa presyo sa mga pagkaon. (PIA Biliran) [top]
