Cebuano News: Survey results nga miigo kang PGMA puro propaganda - Malacaņang
By Rodrigo S. Victoria
Manila (14 December) -- Ang Malacaņang nagkanayon kagahapong adlawa nga ang kontrobersyal nga survey sa Pulse Asia nga nagpakita kang Presidente Gloria Macapagal Aroyo nga pinaka-corrupt nga pangulo sa kasaysayan sa Pilipinas ang gisugo sa lider sa oposisyon alang sa puro nga mga katuyuan sa propaganda.
Sa usa ka pamahayag, si Press Secretary ug Presidential Spokesman Ignacio R. Bunye nagkanayon nga ang survey "usa ka sinugo nga pagpangutana ni Serge Osmeņa ug dili opisyal nga hinimo sa Pulse Asia."
Si kanhi Senador Osmeņa mao ang campaign manager sa United Opposition sa milabay nga Mayo nga eleksyon.
Ang usa ka inadlaw nga pamantalaan nagtaho kagahapong adlawa nga si Osmeņa miangkon nga siya ang nagsugo sa kontrobersyal nga survey.
Si Bunye nagkomentaryo nga ang pangutana sa survey may pagkiling ug "maimpluwensya sa gitawag sa propesyon sa survey nga 'recency effect,' kini nagpasabot nga "ang respondents may pagkiling batok sa namunuan sa pagkakaron ug wala makahinumdum sa mga kasaypanan nga nabuhat sa mga nakalabay nga mga administrasyon."
Ang maong survey usa ka "puro ug klaro nga alang sa propaganda nga mga katuyuan," matud pa ni Bunye.
"Kita nag-awhag ngadto sa mga public polling firms nga mas magklaro ug sa dili pagtugot sa mga pangutana sama niini," dugang pa niya. (PIA-Biliran) [top]
