Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2007/12/17

Cebuano News: PGMA maoy nanguna sa mga Pilipino sa "simbang gabi"

Manila (17 December) -- Si Presidente Gloria Macapagal-Arroyo maoy nangulo sa gatosan ka liboan ka mga Pilipino sa tibuok nasud sa pag-adto sa Simbahan ganinang kaadlawon karong adlawa agig pagsugod sa siyam ka adlaw nga "Simbang Gabi" o Misa De Gallo, usa ka lintunganay na nga tradisyon sa mga Pilipino nga nanukad sa ika 17 ka siglo pa.

Ang Presidente mipaingon sa Smokey Mountain sa Tondo, Manila, diin siya misimba kauban sa mga yanong lungsuranon sa maong dapit kinsa iya nang gipang-gasahan og mga berde nga mga balay.

Ang kasaulogan sa Misa gipangulohan ni Bishop Broderick Fabillo, uban usab ni Fr. Ben Beltran, ang Kura Paroku sa Smokey Mountain's Church of the Risen Christ.

Sa iyang sermon, si Bishop Fabillo mi-sentro sa "kaluwasan" nga gisaad ni Jesus "aron palig-onon ang mga huyang ug hatagan sa paglaum ang mga nilupigan."

Sila si Manila Mayor Alfredo Lim, Manila Rep. Atong Asilo, Agriculture Secretary Arthur Yap, Sen. Edgardo Angara, ug uban pang mga opisyales mitambong usab sa naasoy nga Misa.

Ang Presidente naglingkod diha sa tuo nga bahin sa altar nga gituyo pagmugna diha sa ikaduhang andana sa usa ka building nga mahimo unyang balay sa data encoding facilities sa maong barangay.

Si Padre Beltran miingon nga inig kahuman unya sa maong building kini magsilbi na nga "digital learning environment" alang sa mga batan-on aron sila mahibawo mahitungod sa "global political economy."

Gipasalamatan ni Fr. Beltran si Pangulong Arroyo gumikan sa pag-simba niini diha sa maong Simbahan sa Smokey Mountain ug sa "pagsilbi niya sa mga pobre." Gipasalamatan sab sa Pari si Mayor Lim kinsa mas sayo nga ning-abot ug nanghatag og mga gasa.

Ang pagsimba sa Presidente sa Misa De Gallo didto sa Smokey Mountain, usa ka dapit nga kanhi nahimong inila tungod sa gipanglabog nga mga basura, maoy usa ka hilom nga simbolo sa pagkahimugso usab sa Ginoo diha sa kabus nga pasungan. (PIA-Southern Leyte) [top]

|«  prev  next  »|
DAILY NEWS LIST:
»One NPA leader, 1500 supporters renew pledge of allegiance to gov't
»Rebel returnee urges former comrades to return to fold of law
»Gov't to provide livelihood assistance to rebel returnees, Leyte gov says
»Breastfeeding must begin in hospitals, says PGMA
»PNP sets crackdown on "hot firecrackers"
»Feature: Farm-to-market roads pave way for development
»Cebuano News: PGMA maoy nanguna sa mga Pilipino sa "simbang gabi"
»Zambo holds solidarity walk for urban poor coop
»Japanese official, ADB consultant grace Leyte inauguration of new PDMC building
»Pag-Ibig to hold housing fiesta, blessing of new Bacolod Branch Office
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines