by Flor Jackson

Tacloban City (December 19) -- Si Presidente Gloria Macapagal-Arroyo nanguna sa "Pulong Barangay" (barangay hall meeting) didto sa Pasay city gahapong adlawa aron maghatag ug sulbar sa mga problema sa mga barangay officials ug mga molupyo bahin sa mga nagkalain-laing mga issues ug topiko.

Ang Presidente naghatag usab ug kalipay sa Pasko pinaagi sa pagpanghatag ug mga gift packs ngadto sa mga kabus sa mga barangays nga naga langkob sa Zona sa siyudad nga mao ang Zona 17, 18 ug 19.

Una magsugod ang pulong sa barangay, ang Presidente naghatag ug 125 nga mga scholarship vouchers sa Technical Education and Skills Development Authority (TESDA) ngadto sa tagsa-tagsa nga 29 nga mga barangays nga nag langkob sa Pasay City.

Nanghatag usab siya ug TESDA "Galing Mekaniko/Manicurista Ako" (GMA) scholarship vouchers ngadto sa angayan makadawat nga mga mahimong mekaniko ug manikurista ugma damlag nga gusto usa'ng makakita ug kuwarta pinaagi sa maong mga pakabuhi.

Ang Presidente kinsa gitabangan ni Pasay Mayor Wenceslao "Peewee" Trinidad, Metro Manila Development Authority Chair Bayani Fernando, Pasay City Rep. Lito Roxas ug Agriculture Secretary Arthur Yap nanghatag ug Certificates to Operate Tindahan Natin, Botika ng Bayan ug Barangay Food Terminals ngadto sa mga barangay officials aron paghatag sa mga pobre ug higayon nga makaangkon ug barato nga mga pagkaon ug medisina.

Labaw sa tanan, ang Presidente, kabahin sa iyang Pamaskong Handog, siya nanghatag usab ug mga gift packs ngadto sa mga pobre sa syudad. Ang mga packs aduna'y sulod nga duha ka kilo nga bugas, asukar, karne norte, kape, powdered juice, spaghetti noddles ug sauce.

Kalakip sa nga concerns nga giisa sa mga barangay officials ug mga molupyo mao ang ning sentro sa ilimnon nga tubig nga unta kanunay kini nga available ngadto sa mga tawo, pag panghatag ug patrol cars ug ang mga informal settlers.

Ang mga opisyales sa Maynilad Water Inc. nag-ingon ngadto sa Presidente nga karong second quarter sa sunod tuig, usa nga booster pump ang itaod aron pag pausbaw sa pressure sa tubig ug sa ingon niini kini maka-abot ngadto sa daghan pang mga pamilya.

Bahin sa mga patrol cars, si Mayor Trinidad nag-ingon nga ang multi-cab fleet sa syudad sa pagkakaron aydon, i-reorganize ug ipanghatag ug otro ngadto sa kaurogan nga mga barangays.

Si Trinidad nag pahibawo ngadto sa Presidente bahin sa issue sa mga informal settlers nga matod pa niya mahuman lang gihapon tungod kay sila ibalhin ngadto sa lugar nga tua mahimutang sa Tanay, Rizal.

Siya nag-ingon nga siya nag laum nga ang construction sa relocation site mahuman suod lamang sa walo hangtod sa 10 ka buwan.