Cebuano News: PGMA mipardon sa 64 mga prisong tigulang, laing 10 posibleng makagawas sa dili pa ang Pasko
By Erna Sy Gorne
Manila (20 December) -- Si Presidente Gloria Macapagal-Arroyo naghatag og pasaylo karong adlawa ngadto sa 64 anyos nga mga piniriso subay sa palisiya sa administrasyon sa paghatag og kalooy ngadto sa mga priso kinsa naka-abot nga sa edad nga 70.
Si Press Secretary og Presidential Spokesman Ignacio R. Bunye miingon nga sumala sa Pangulo nga "Ang mga priso mga tawo. Sila angayan usab sa kalooy, sama kaniadtong nagpuyo diha sa gawasnon nga kaltilingban."
Laing 10 ka kaso ang gihikay og kini opiyal nga magpahigawas sa dili pa ang adlaw sa Pasko. Karong adlawa, ang pagpagawas sa mga priso mikabat na sa kinatibuk-an nga 258 ang gidaghanon sa mga gipasaylo nga mga priso sukad sa Enero 2007.
Sa 258 ka nga gawasnon nga mga priso, si Bunye midugang, nga 137 ang nahatagan og pasaylo sa rason sa katigulangon nga pangidaron (70 anyos og pataas), 48 niini tungod sa seryoso nga kondisyon sa panglawas, og 73 sumala sa rekomendasyon sa Board of Pardons and Parole.
Kauban sa nakonbikto nga gipasaylo karong tuiga mao ang upat ka octogenarians (80 anyos og pataas), sila si Tereso Ngujo, Rebecca Cabrales, Timoteo de Asis, og Celestino Gardon, samtang ang usa mikabat na sa 91 anyos ang pangidaron sa ngalan nga Rodolfo Pante.
Si Bunye nag-ingon nga ang Presidente nagla-um nga ang katilingban magdawat sa nabuhian nga mga priso and hatagan sila os ikaduha nga higayon sa pagkinabuhi ingon nga mabungahon nga mga katawhan. (PIA-Southern Leyte) [top]
