by Rey Anthony Chiu

Manila (21 December) -- NIINING panahon sa Pasko, ang labing maayong gasa alang sa mga bata nga masuso mao pa gihapon ang gatas sa inahan, kini natud sa mga tinugyanan sa kagamhanan.

Samtang gidawat sa Department of Health and hagit alang sa pagtubag ug pagtutok sa suliran sa kagutom ug malnutrisyon, ila usab nga gidason ang tukma ug sakto nga pagpasuso sa mga puya nga maoy labing barato ug epektibong solbad sa suliran.

Ang gatas sa inahan maoy labing kompleto nga pagkaon, gawas nga magbusog sa bata, magdugang usab kini sa iyang panagang batok sa sakit, malnutrisyon ug maglig-on sa relasyon sa inahan ug anak, pasabot sa mga siyentipiko.

Kini usab maoy unod sa giluwatan nga pamahayag ni Presidente Gloria Macapagal-Arroyo dihang iyang gitambongan ang paglusad sa "The Breastfeeding Highway…Begins at the Hospital."

Ang maong tapok usa ka pasiunang Orientation on Infant and Young Child Feeding Strategy for Medical Directors and Chiefs of Hospitals niadtong miaging semana didto sa Manila Hotel.

Didto, mipasalamat ang Presidente sa mga tinugyanan sa kasanihan ug mga doctor sa ilang pagsanong sa hagit.

Matud sa Presidente, ang pagpasuso mao pa gihapon ang labing mayo, labing epektibo, labing barato ug labing sayon nga paagi batok sa kawad-on ug pagtapon sa kagutom.

Ang promosyon sa maayong nutrisyon maoy labing dako nga bahin sa Accelerated Hunger-Mitigation Program nga gisugdan sa Administrasyon ni Arroyo.

Niini, giawhag sa pangulo nasud nga molihok alang sa sertipikasyon sa tanang tambalanan nga iya sa kagamhanan lakip na ang pribadong aron mahimo silang Mother-Baby-Friendly Hospitals.