by Flor E. Jackson

Manila (December 27) -- Ang Department of Social Welfare and Development (DSWD) manghatag ngadto sa mokabat sa 123,000 nga mga kabus nga pamilya ug binuwan nga hinabang nga P800 ka pesos nga mag sugod sa sunod buwan aron sila maaghat sa pag dala sa ilang mga bata ngadto sa mga health centers ug usab aron kini nila ma-enroll sa mga publikong tulunghaan.

Ang mga pamilya nga makatagamtam niining maong project mao lamang kadtong adunay tulo ang pinaka-daghan nga anak ug adunay tinuig nga family income nga P15,000 ka pesos.

Gitawag ug Ahon Pamilyang Pinoy, ang maong programa adunay tumong ug tinguha sa pag buntog sa balikbalik nga kapobrehan pinaagi sa paghatag ug kasulbaran sa problema nga adunay kalabutan sa educational achievement, taas nga level sa pagkamatay sa mga inahan tungod sa pagpanganak ug mga bag-o pang natawo nga mga bata, taas nga malnutrition rate ug ingon man taas nga ihap sa child labor diha sa mga pobre nga pamilya.

Ang maong programa una nga i-implementar sa mga lungsod sa Esperanza ug Sibagat sa Agusan del Sur; Lopez Jaena ug Bonifacio sa Misamis Occidental; sa mga siyudad sa Pasay ug Kalookan sa Metro Manila diin mokabat sa 6,000 nga mga panimalay ang gilauman nga maka-benepisyo sa maong programa.