Cebuano News: Pres. Arroyo midayeg sa kaisog sa militar, kabahin sa pagsulbong sa ekonomiya
By Erna Gorne
Manila (30 December) -- Si Presidente Gloria Macapagal-Arroyo midayeg kaniadtong Biyernes sa militar sa ilang kaisog sa pagdepensa sa demokrasya og kalinaw og nagpahimangno sa mga rebeldeng mga elemento sa armadong kusog nga sila pagasilotan sa kinatbuk-an nga balaod.
"Ang garantiya sa kalig-on og pagdumala sa balaod nga naghatag og kasiguroan sa tibook nasud mao ang pundasyon diin kita nag-umol sa kasamtangan nga pagsulbong sa ekonomiya," matud niya atubangan sa mga kalakin-an og kababayen-an sa Armadong Kusog sa Pilipinas atol sa pagsaulog sa ika-72 nga anibersaryo sa AFP kagahapon didto sa Camp Aguinaldo.
Ang Presidente, kinsa usab ang kasamtangan nga Commander-In-Chief sa AFP, nag-ingon nga ang ekonomiya sa nasod miabot ngadto sa bag-o nga lebelo sa pagkahingkod sa kinakusgan nga macroekonomiya niining hinirasyon, labot sa 7 porsyentong tubo sa ekonomiya karon.
Iyang gikasab-an ang "pipila sa mga desperadong tawo" nga nagpaluyo og naningkamot aron gub-on ang gobyerno, ang lamdag nga kaugmaon og maayong hustisya.
Ang lihok sa nangasayop nga mga tawo maoy hagit sa usag-usa og sa kanatong tanan na may maayong panggandoy sa mga tinoud na Pilipino. Imbes na magtrabaho aron dalhon ang nasod nga magkahiusa sa pagtrabaho sulod sa atong demokrasya. Ang ilang lihuk para ra sa iyang kaugalingon," matod nya.
Ilang gipasalamatan ang AFP sumala sa tibouk nasod,sa ilang pagluwas sa lungsoranong Pilipino sa mga kadaotan, kalamidad parihas anang mga bagyo,baha, bulkan og dahlili og ang mga timaan sa mga terorismo og sa pag-alsa. (PIA-Southern Leyte) [top]
