by Ben Pacris

Caoayan, Ilocos Sur (22 January) -- Mapapintas ken mapalawa ti Balay ti Ili tapno maiparisto met kadagiti napipintas a munisipio iti probinsia iti daytoy a lugar a nagtaudan daydi Presidente Elpidio Quirino.

Kinuna ni Mayor Mario Tugade a marugian ti renovation ti municipal building inton Pebrero 2 iti daytoy a tawen ken manamnama a malpas ingganat 2010 a maudi a panagtakem ti ama ti ili.

Kinna ni Mayor Tugade bayat iti interviewna iti "Niat Makunam Kailian" iti DWRS itay lawasna, a mapalawa ti munisipio bbaen iti extensionna iti dayaen a pasetna para kadagiti nadumaduma nga opisina ken ahensia iti Caoayan.

Ti renovation iti municipal building saan laeng nga agdepende iti pundo nga aggapu iti municipal fund ken RA 7171 funf no di pay iti tulong da Gobernador Deogracias Victor "DV" Savellano ken Congressman Ronald Singsopn, kinuna ti mayor.

"Adu dagiti mangibagbaga idi damok tiagtugaw a mayor a daytoy pannakapapintas ti munisipio ti unaek, ngem dagiti proyekto ken serbisio a kasapulan dagiti umili iti inunak nga impatu ngpal," kinuna ti mayor.

Ngem itan, panawenen a mapapintas ken mapalawa met ti Balay ti Ili kas kadagiti dadduma a napipintas a munmunisipio, kinuna ti mayor numan pay innayonna a suportaranna dagiti income generating projects kadagiti barbarangay.

Kinunana pay a mabangonto pay ti PNP Building iti Barangay pandan tapno naan-annayas iti pannakatagiben ti linak ken urnos iti Caoayan a maibilang a "the most peaceful town" iti Ilocos Sur iti napalabas a tawen babaen ti Department of Interior and Local Go vernments.

Kiniddawna kadagiti umili ken dagiti opisial iti ili iti panagkaykaysada a mangpadur-as iti Caopayan ken liklikandan iti saan a panagkikinnaawatan ken pinnolitika tapno al-alisto ti progreso.