Ilocano News: Dati a mayor ti Angono, naapointaran a kas DENR Secretary
By Miriam P. Aquino
San Fernando City, La Union (21 February) -- Inapointaran ni Presidente Gloria Macapagal-Arroyo ti dati nga Mayor iti Angono, Rizal a ni Gerardo V. Calderon a kas baro nga Assistant Secretary ti Department of Environment and Natural Resources (DENR).
Sakbay iti daytoy nga pannaka-apointar na, nagtugaw ni Calderon a kas mayor ti Angono iti agarup siyam nga tawen ket nakakumpleto daytoy iti agsasaruno nga tallo a termino na babaen ti pammalubos iti linteg.
Kabayatanna, nadutukan manen wenno naapointaran manen ti Acting Director iti Movie and Television Review and Classification Board (MTRCB) Editha Demetria ken Acting Chairman ken Administrator iti Zamboanga City Special Economic Zone Georgina P. Yu.
Kasta met, naapointaran ni Sali H. Wali kas Assistant Secretary ti Department of Interior ken Local Government.
Imparuar ni Executive Secretary Eduardo Ermita ti daytoy nga listaan dagiti kabarbaro nga Presidential Appointees iti naangay a kumperensiya na iti nabiit sadiay Malakanyang. (PIA La Union) [top]
