Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 12 August 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << August 2022 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/07/04

Waray-Waray News: DA nagtikang na han farm rehab ha Romblon

Romblon (4 July) -- Kaparte han programa han gobyerno, hi Presidente Gloria Macapagal-Arroyo in naghatag hin dagmit nga bulig ngadto han mga kablas han 11 nga rehiyon nga naigo han bagyo Frank, ngan pagtapo han danyos parti agrikultura ug pangisdaan nga maabot hin P7 bilyon, hi Secretary Arthur Yap han Department of Agriculture (DA) in nanhatag hin mga liso ug abono ngadto han mga parag-uma han Romblon.

Han turutemprano pa, an Presidente in nagmando kan Sec. Yap pag-stambay la anay ha Romblon para panginanoon an dalagan han relief operations ngadto han nahihitutungdan nga mga probinsya.

Ginmanduhan nin Sec. Yap hi Provincial Manager Chito Padilla han National Food Authority (NFA) nga dugngan an kadamo han NFA nga bugas dida han probinsya, pareho han iya mando han una nga bulan didto ha Mindanao nga Western Visayas, kun diin ginseguro gud niya nga an suplay ug presyo han bugas in ma-stabilisar.

Han iya pagbisita ha Romblon dida han usa ka-adlaw, kasunod han iya inspection trips ha Panay Island Provinces han nakalabay nga semana, kun diin amo ini nga lugar in grabe nga naigo han bagyo, pinangundahan ni Yap an panhatag han NFA nga bugas. Nakigsarusaro gihapon hiya ha pamahaw han mga lokal nga opisyales dida ha Odiongan, Tablas Island pagpakita han mga kunsumidor nga waray kadilikaduhan an pagkaon hin isda nga tikang dida han nasabi nga lugar, kun diin nalunod an MV Princess of the Stars, resulta han bagyo Frank.

Kaurosa ni Yap dida hini nga pamahaw, kun diin isda nga dakop dida hito nga lugar an ira sura, amo hira Mayor Eddie Mazo han Corcurra, Mayor Limuel Cipriano han Concepcion, ngan Robert Fabella han Calatrava. Nakadto gihapon hira DA Usec. Berni Fondevilla ngan kanan DA regional executive director Tony Gerundio.

Nakita ni Sec. Yap dida han paglibot niya han Odiongan Public Market nga naghabubo hin duro an presyo han isda nga resulta han mga report nga dilikado an pagkaon hin isda nga tikang ha kadagatan hit Romblon.

Dida hin gindumara nga press briefing ha San Fernando, nagpasabot hi Yap nga an sige-sige nga pag-eksamin han tubig dida hini nga mga lugar, in nagpapakita nga waray marka hin endosulfan, usa nga gindidiri nga pesticide, kun diin it nagamit amo la an duha nga paragtanom hin pinya ha Mindanao ngan ini nga pesticide in upod han mga karga han nalunod nga MV Princess.

Nagpapasabot la ini nga ha pagkayana waray pa natatabo nga pesticide leakage, sering ni Yap. Nagsumat gihapon hiya nga water sample testing in gindudumara han Bureau of Plant Industry ha kada 12 ka-oras nga lat-ang.

Nakig-urosa gihapon an DA Secretary kan Gov. Jojo Beltran III ngan han 13 nga mga mayor para pag-orostoryahan an situasyon parti han lokal nga suplay han bugas ngan kun tipa-unanho an NFA magkakaada hin darodamo nga stock ha mga tindahan para maestabilisar an retail prices han ikina-adlaw ug komon nga mga pagkaon.

Han turotemprano pa, naghatag hin pahimatngon hi Yap ngadto han lokal nga mga opisyales han DA ngan NFA han Eastern Visayas nga makigsumpayan han Department of Trade & Industry ngan National Bureau of Investigation pati han lokal nga mga opisyales pagbantay han dalagan han mga presyo han mga papliton ngan sugad man pagpasaka han naaangay kiha kontra hini nga mga masupak han aton balaud. (PIA-8/maa) [top]

|«  prev  next  »|
DAILY NEWS LIST:
»July is Nutrition Month
»Gov't lifts tariff on imported oil
»Davao Oriental all set for economic take-off
»Rebels attack Davao Oriental town
»Mango growers urge government to conduct extensive research on mango growing in Mindanao
»Sec. Esperon expects support of donor countries after peace agreement is signed
»Comval gov puts up P200T reward for arrest of Nabunturan bombing suspects
»Negros Oriental marks Nutrition Month
»Consumernet eyes expanded services for consumer welfare
»PRC announces licensure exams for July
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines