Waray-Waray News: Palasyo ginkakarawat an gin proponer san CBCP iribista an palisiya pan ekonomiya
ni Ailene N. Diaz
Catarman, Northern Samar (8 July) -- An Malacanang sadto nga lunes nagsugad nga ginkakarawat sini an gin proponer san Catholic Bishops Conference of the Philippines (CBCP) para iribista an palisiya san gobyerno nga nakaka apekto san presyo san pangunahon nga paraliton san nasud.
Si Press Secretary Jesus Dureza dida san press briefing nagsugad nga sa pagkonsiderar san kamutangan san nasud nga aton gin aatubang yana diri la sa nasud pero sa pankalibutan, ginkakarawat naton an ngatanan nga bulig ngan rekomendasyon tikang san iba iba nga sektor labi na an natikang san mga obispo.
Si CBCP Presidente Archbishop Angel Lagdameo dida san press conference durante san Plenary Assembly nga ginhimo sa San Carlos Seminary, nasugad nga an diri napupudngan nga paghitaas san presyo san lana, rason kunta nga maghimo an gobyerno pag rebista sa oil deregulation law.
Ginpahamtang liwat niya an suporta para marebista an balaudnon san expanded value added tax diin sugad niya ini nakakadugang san bug-at san buwis nga ginkakarga san mga tawo.
Sa luyo nga bahin, sugad ni Dureza, an Palasyo in abrido san posible nga panrebista sini nga mga palisiya.
Gintagan lugaring doon ni Dureza nga ini kinahanglan ipahamtang ngadto san economic managers kay sira an naghihimo san penal nga rekomendasyon.
Ngatanan kita aada sini nga sitwasyon ngan wara diri nakakaabat san kakurian.
Dugang ni Dureza, an economic managers nagpalaum nga iimdan ini nga rekomendasyon tikang san iba iba nga sektor san pag himo sin mga palisiya pagbaton san ungod ngan presente ngan kahimtang. (PIA-Northern Samar) [top]
