Waray-Waray News: Ginsuspender sin duha ka tuig ni PGMA an paggamit san mga pasakay ngadtu sin iba nga katuyuanan
Ni Nene A. Manzanares
Catarman, Northern Samar (18 Hulyo) -- Sulod sin duha ka tuig ginsuspendir ni Presidente Gloria Macapagal Arroyo an pag proseso san mga papeles diin naghihingita nga an mga pasakay magagamit ngadtu sin iba nga katuyuanan sa ilarum san Republic Act 8435.
Nagsugad an Presidente sa Administrative Order 226-A nga agud masiguro an supply san bugas sa nasud, importante nga an ngatanan nga tuna diin an panuyo magkayaun sin maupay nga produksyun sin paray in kinahanglan maprotehiran sin iba pa nga paggamit.
Nagsugad an Presidente nga agud mabaton an pagkaon nga kinahanglan san nagtitikadamo nga mga Filipino, kinahanglan gihapon nga an produksyon san paray in matagan sin suporta.
Nagtutumuyo an gobyerno nga makuha sulod sin lima ka tuig an pagigin supesiente sin pagkaon sa butnga san krisis nga natatabo yana sa bug-os nga kalibutan.
pagkayana, nubenta porsiento la san mga kinahanglan nga bugas san nasud in nakukuha sa lokal nga mga patanum ngan an dies porsiento in nakukuha naman pinaagi pagbalyu sine nga kakulangan sa mga nasud san Vietnam ngan Thailand.
Sa Administrative Order 226-A, an Presidente nagsugad nga regulasyon san gobyerno nga masiguro nga an mga pobre nga sektor san sosyedad in magkayaun oportunidad nga makapagpakabuhi, ngan magkayaun suporta nga mga serbisyo labi nagud sa mga lugar nga maluya an produksyon.
Ginmanduhan ni Presidente Arroyo an Department of Agrarian Reform nga maimplementar an nasabi nga order nga kanya ginpirmahan san naglabay nga Hulyo 14, 2008. (PIA Northern Samar) [top]
