Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 15 August 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << August 2022 >> 
S M T W T F S
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/07/21

Waray-Waray News: Padayon an mga ayat nga gin-aatubang san Alternative Learning System sa Norte San Samar

Ni Nene A. Manzanares

Catarman, Northern Samar (21 July) -- Bisan pa man duha na ka beses nga nagdaog san Best Program Award san National Literacy Awards an Army Literacy Patrol System (ALPS) sa pagsuporta san Alternative Learning System san Department of Education sa Norte san Samar, padayon nga naatubang an nasabi nga programa sin mga ayat nga nakaka apekto san panguha sin mga recruits o mga enrolles para san mga literacy classes.

Dida sin interview nga ginhimo san Philippine Information Agency san "Literacy Laban Sa Kahirapan" radio program, nahibaruan tikang kan education supervisor Trino Pinca nga damo na nga mga paningkamot an ginhimo para san kaupayan san programa pero padayon la gihapon an mga ayat nga gin-aatubang san nasabi nga programa.

Parte san recruitment o kun pag kumbinser sin mga dapat mag-enroll san Literacy classes, naapektuhan ine san ka ditoy la san mga Alternative Learning System district coordinators. Yaun yana, 11 nga mga district ALS coordinators, pero maabot 31 ngatanan an mga districts sa bug-os nga probinsya. Karuyag sidngon maabot pa beinte nga mga district supervisors san ALS an kinahanglan.

Sugad pa ni Pinca nga nakinahanglan gihapon sin mga mobile teachers agud mabuligan an aton mga kabugtuan nga matutduan sin pagbasa ngan pagsurat. Ine nga mga mobile teachers in puede na mag tutor sin mga pamilya nga karuyag la matutduan sa sulod sa kanra mga bablay.

An mga barangay kapitan in daku unta an mabubulig sa pagkumbinse sin mga tawo nga dire maaram magbasa ngan magsurat matungod nga sira mismo an magaram kun sira sino ine nga mga tawo sa kanra mga barangay.

Pero sugad pa ni Pinca, an pinakadaku nga ayat mao mismo an mga dapat mag enroll sa Literacy classes matungod nga dire pa nira makarawat a kanra situasyon. Masyado sira nasisiud nga masabutan sa kanra mga kakilala nga dire sira maaram magbasa ngan magsurat. An resulta sine dire na sira mapa enroll.

Si education supervisor Pinca in 18 anyos na nga nakapot san Alternative Learning System san DepEd sa Norte san Samar ngan siya an masusugad nga tukib san pagtubo san Literacy program sa probinsya.

Sa obserbasyon san kadam-an dire matatawaran an mga paningkamot san DepEd sa probinsya agud maundong an Literacy program. Sa pagsuporta ngan pagbulig ni Division Schools Superintendent Thelma Quitalig san DepEd ngadtu san Army Literacy Patrol System nga proyekto san 63rd Infantry Battalion, duha na ka beses nga nagdaog an nasabi nga proyekto bilang Best Program Awardee san National Literacy Awards. Sa bulan san Agosto pagpipilion otro an pinakamaupay nga Literacy Program sa bug-os nga nasud. An Army Literacy Patrol System san Norte san Samar an gin-undong la gihapon san Dep Ed regional ofice agud mag representar san bug-os nga rehiyon.

Samtang an "Literacy Laban sa Kahirapan" radio program in mababatian sa 12:00 sa umudto ngadt alas 12:15 sa hapon kada Sabado sa istasyon DYSM. (PIA Northern Samar) [top]

|«  prev  next  »|
DAILY NEWS LIST:
»Oil firms give in to PGMA's appeal, price hike cut by half to P1.50 per liter effective Monday
»DSWD starts massive rehab projects in typhoon-devastated regions
»RP receives kudos from int'l experts over handling of toxic materials in sunken vessels
»Farmers beginning to gain additional income from jatropha plantations
»PGMA to deliver additional "Katas ng EVAT" in ARMM, Region 12 Tuesday
»President visits North Cotabato to look into needs of rubber industry
»President flies to Region 12 Monday to assess ongoing relief operations for typhoon victims
»BAR supports basic research on traditional and modern biotech
»RDCC VI 'retraces' typhoon Frank's journey; learns lessons along the way
»Imported trees failed to check Iloilo flooding, says hydrologist
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines