Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 23 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/07/22

Waray-Waray News: Basaranan han pag-umento han presyo han mga produkto petrolyo iginsagda nga igpahibaro ha publiko

Manila (22 July) -- Nagpahayag hi Press Secretary Jesus Dureza ha diri pala maiha nga obligasyon han mga kompaniya han lana nga ig-eksplikar ha gobyerno ngan ha publiko, ha pinulongan nga masayon maintindihan han komon nga katawhan, an basaranan para hin ano man nga umento ha presyo han lana. Ini en ha panuyo nga malikayan an kagupong ngan diri pagsinabtanay.

Dida hin usa nga press conference, nagsiring hi Dureza nga pareho han katawhan, interesado gihapon an Malacaņang nga mahibaro han mga rason ha luyo hin kada pag-umento han presyo han lana tungod nga an gobyerno, partikular an administrasyon Arroyo, amo an ginbabasol ha kada panahon nga naumento an presyo han lana.

Nagsiring pa hiya nga an bisan ano nga pagbabag-o han presyo han lana hiton tidaraon en kinahanglan ha temprano pa ig-eksplikar han mga taga-industriya han lana ha pinulongan han masa, ngan diri pinaagi hin komplikado nga lingwahe han mga eksperto han mao nga industriya.

Mahihinumduman nga iginpasamwak ni Dureza han naglabay nga Domingo an desisyon han Filipinas Shell ngan Petron Corporation, duha han tulo nga pinakadagku nga mga kompaniya hin lana ha nasud, an pag-iban nira hin P1.50 kada litro han presyo han diesel ha pagbaton han paghangyo ni Pangulo Gloria Macapagal-Arroyo nga pahibub-an an presyo hini nga produkto.

Hadton naglabay nga Sabado, gin-paumentohan han Shell ngan Petron an presyo han diesel hin P3 kada litro. Pinaagi hini, nahimutang hin haros P59 kada litro an presyo han diesel, an pinakahitaas nga presyo nga nahimarka para han mao nga produkto ha lokal nga merkado.

Kondi, ginmando-an han Pangulo hira Executive Secretary Eduardo Ermita ngan Energy Secretary Angelo Reyes nga igpahamtang ngadto han mga opisyal han duha nga mga kompaniya hin lana an iya paghangyo para hin pagpahibubo han presyo nga nagresulta han mao nga P1.50 kada litro nga paghibubo han presyo han diesel.

Nagpahayag pa hi Dureza nga bisan pa hini nga paghibubo han presyo han diesel, kinahanglan la gihapon padayon nga ig-eksplikar han mga taga-industriya han lana ha publiko an basaranan kon kay-ano nga magpapa-umento hira hin presyo ha ira mga produkto. (PIA-Eastern Samar) [top]

|«  prev  next  »|
DAILY NEWS LIST:
»Abra Bishop: No to artificial contraception; urges everyone to respect life
»RDMC bats for continuing consultation for mining activities
»PNP CAR promotes police community relation
»New Davao Norte DENR official to focus on forest concerns
»Rajah of "rebound" is dead
»Mindanao gets education benefits from SONA targets
»Davao, most competitive city hosts, Kadayawan, the most competitive festival
»Davao coach to head RP women's football team
»Bloodletting needs more donors on July 25
»Tagalog News: Diesel pump price bumaba ng P1.50
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines