Waray-Waray News: Malacanang: Kinahanglan kaupay an EVAT
By Alice Nicart
Manila (30 July) -- Waray bisan ano nga resulta hin panmakiana (Survey) an makakapugong kan President Gloria Macapagal Arroyo nga ipatuman an mga programa nga naghahatag hin talagudti nga kalungganayan hit mga pobre.
Amo ine an paghatag doon ni Deputy Presidential Spokesperson Anthony Golez kasumpay han gin sisinusunan han iba nga expanded value added tax (EVAT). Sering ni Golez, asya ine nga EVAT an ginagahinan han dako nga kantidad nga iginbubulig han Presidente ha gigkakablasi han mga kablas.
Sumala pa ha iya, importante, ine nga EVAT in ginagamit hin katiupayan nga di naman la maura-urahan an gin-aantos han mga ura-ura nga kablas, sugad han paghahatag han barato nga bugas ug han mga eskoyla nga nakakatagamtam hin bulig komo mga skolar.
Manunumduman nga usa nga resulta han panmakiana han Ibon Foundation, 90% daw han mga Pinoy in nadire han EVAT tungod daw han dugang nga pasakit ha katawhan.
Kundi nagyakan na an Malacanang nga ano pa man an ira igbansang han Presidente, dire ine wawad-on nga EVAT kay naghahatag ine hin kaupayan han kadam-an nga mga pobres. (PIA_Eastern Samar) [top]
