Waray-Waray News: Igpapatuman san EO 570 an konsepto san kamurayaw ngan edukasyon san magturutdo sa mga eskwelahan panpubliko
Ni Nene A. Manzanares
Manila (30 July) -- Nagpahayag si DepEd Secretary Jesli Lapus nga an kamurayaw kaupod an edukasyon san magturutdo mao in ig-uupod na san school currriculum dida san pagpirmahi san Executive Order 570 nga tinatawag: "Institutionalizing Peace and Education in Basic Education and Teacher Education."
Natuod si Lapus san gahum san edukasyon pagporma san panhunahuna san tawo tikado san kamurayaw, mao nga gin-aghat niya an iba nga mga ahensya san gobyerno san pagpirma san Implementing guidelines and Regulations (IRR) san nasabi nga Executive Order nga ginsurat san Technical Working Group (TWG) nga ginkokomponer san Office of Presidential Adviser on the Peace Process (OPAPP), Department of Education (DepEd), CHED, NEDA ngan mga tag representar san civil society. Nahimo ine nga buruhaton sa pakig konsulta sa Mindanao Reace and Education ngan san National Consultation Workshop para san Executive Order 570 nga gintindog san Technical Working Group ngan OPAPP.
Ugsa san implementasyon, damo nga mga workshop an paghihimuon agud ma estudyaran an sulod san instructional materials ngan san video on peace modules. Kinahanglan mmasabotan an konsepto san programa samtang an mga magturutdo in matatagan sin pre-service ngan in-service trainings san CHED.
Base san EO, and Department of Education in mahihimo nga co-chair san coordinating structure ngan kinahanglan mag-aghat ngan patubuon an mga inisyatibo lokal parte sin kamurayao san mga eskwelahan, mga alternativelearning systems (ALS). mga local systems ngan mga komonidad. Mag-oorganisar gihapon sira sin mga peace education learning centers/teams sa mga rehiyon, division ngan school level ngan mangunguna san mga inisyatibo san paghimo san mga learning content san Alternative Learning System. (PIA-Northern Samar) [top]
