Waray-Waray News: Nag komiter an mga Pangobyernohan Lokal nga mag amot san kapas san nasud nga makipag-kompetensya
Ni Nene A. Manzanares
Manila (10 October) -- An mga namumuno san mga gobyerno lokal in nag-komiter nga makig-trabaho san gobyerno nasyonal ngan san pribado nga sektor agud magpa-uru-upay an kahimtang san pagtaga-negosyo para san mga namumuhunan sa kanra mga lugar. Ine nga pitad in pagbubuhaton agud mahimo an Pilipinas nga yaun kapas pakig-kumpetensya sa langyawan nga mga nasud.
An League of Provinces of the Philippines, League of Municipalities of the Philippines, League of Cities of the Philippines ngan Union of Local Authorities of the Philippines mao in nagpahayag sa kanra suporta san kapas pakig-kompetensya san nasud dida san gin-presentar nira nga hinimo "Commitment to Action to Pursue Competitiveness" san duha ka-adlaw nga LGU Conference for Sustained Philippine Competitivenes.
Ine nga action plan in gin-presentar ngadtu kan Presidente Arroyo kahapon sa Rizal Hall sa Malakanyang.
Nagsugad si Mayor Benjamin Abalos sa Mandaluyong City nga ginhihimo nira nga magkayaun kapas an nasud pakig-kompetensya pinaagi sin pakigsarabot san pribado nga sektor nga magin pareho an mga palisiya nga kanra ginsusunod. Si Mayor Abalos mao an presidente san league of Cities ngan san Union of Local Authorities of the Philippines.
Gin-aghat ni Abalos an National Competitiveness Council (NCC), an pribado nga sektor ngan san mga lokal nga pangobyernohan nga mag miting sulod sin duha o tulo ka bulan tikang kahapon agud maindan an kahimtang sa kanra mga nahimo na.
Si Gov. Loreto Leo Ocampo san Misamis Occidental nagsugad nga samtang naghatag siya sin suporta san competitiveness goal kanra na igtutuko an uruistorya san mga isyu panpolitika ngan magdiskusyon na sin parte pan-negosyohan, merkado ngan mga isyu pan-kwartahan.
An mga pangobyernohan lokal in nagkomiter gihapon pagsuporta san mga inisyatibo san gobyerno nasyonal nga makig-kompetensya labi na gud san parte san pag-undong san human resources, pagpauruupay san imprastraktura kaupod an pagpahibubo san baraydan sa elektrisidad ngan pagsiguro san kalidad san serbisyo kaupod an pagpahibubo san mga kabaraydan san pan-negosyohan ngan pagseguro san pagpondo sin mga proyekto ngan mga programa nga makakapagpakusog san pagmaneho san pangobyernohan lokal.
An mga namumuno sana pangobyernohan lokal in nagsaad gihapon pagpadayun san mga panalinguha sa agribusiness, panminahan, turismo, offshoring and outsourcing, nga mga sektor nga pinili san NCC diin an Pilipinas magkakayaun makusog nga kapas makig-kompetensya.
Nagkasarabut gihapon sira nga makig partner san pribado nga sektor san pagplano ngan implementasyon san mga proyekto gan mga programa pag-undong san pakig-kompetensya.
An kumperensya in gin-organisar sa suporta san pangobyernohan lokal sa pag-undong san pamuhunan ngan pakig-kumpetensya nga mao an mga importante nga mga butang san pagkuha san mga katuyuanan. (PIA-Northern Samar) [top]
