Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 17 August 2018 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << August 2018 >> 
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/10/16

Waray-Waray News: PGMA ginpasalamatan an lokal nga opisyales para han ira tim-os nga suporta

Manila (16 October) -- Ginpasalamatan ni Pangulo Gloria Macapagal-Arrroyo an local government executives (LGEs) tungod han ira panngunguna pinaagi hin ehemplo ngan pagka-urusa kuntra han panmomolitika agud mapanalipdan an mga kablas ngan mapabakod pa an seguridad han nasud tikang han epekto hiton krisis pankalibutan nga gin-aatubang ha pagkayana.

Dida han iya panmulong durante han panunumpa han mga opisyales han Union of Local Authorities of the Philippines (ULAP) ha Malacaņang hadton Miyerkules, (Oktubre 15) ginlamano han Pangulo an mga opisyales han ULAP tungod han ira pagka-urusa durante hin kritikal nga panahon ha butnga hin posibilidad nga maghingara-ot pa an krisis dara han kamatiwog-tiwog han pananalapi ha Estados Unidos.

Ha luyo han pinakabag-o nga kaso hin impeachment nga ginsalawad kuntra ha iya han oposisyon, ginpasalamatan han Pangulo an lokal nga mga ehekutibo para han ira nagkakaurusa nga suporta, ha pagsiring nga magpapadayon an iya administrasyon pagpahamtang han mga programa ngan mga serbisyo agud mapanalipdan an ordinaryo nga Pilipino tikang han krisis pankalibutan.

Ugsa han pormal nga panunumpa han ULAP, nagpagawas hin usa nga resolusyon an League of Provinces of the Philippines (LPP) kon diin iginpapahayag an ira tim-os nga suporta ngada han Pangulo ngan an ira pagkodinar han bag-o nga iginsalawad nga kaso hin impeachment.

Ginhimo han LPP an NEB Resolution # 2008-003 dida han kanan grupo 3rd National Executive Board meeting hadton Lunes (Oktubre 13) didto ha Century Park Hotel ha Manila.

Pirmado an mao nga resolusyon nira LPP national president ngan sugad man Misamis Occidental Gov. Loreto Leo Ocampos; LPP national chairman nga sugad man Camarines Sur Gov. Luis Raymund Villafuerte; ngan LPP secretary-general ngan sugad man Eastern Samar Gov. Ben Evardone.

Ginka-urusa-an han resolusyon han LPP pagpahayag hin tim-os nga suporta ngada han administrasyon ni Pangulo Gloria Macapagl-Arroyo ngan mahugot nga ginkukondinar an kaso hin impeachment nga ginsalawad kuntra han Pangulo hadton Oktuber 13 ha Kamara de Representantes sugad nga diri produktibo, diri nakakapag-urusa, makakahibang ngan natipa ha nasudnon nga interes, ilabi na daw yana nga nagkakaada krisis ha ekonomiya.

Gin-awhag gihapon han LPP, dida han resolusyon hini, an Catholic Bishops Conference of the Philippines (CBCP) ngan iba pa nga grupo han sosyedad nga diri suportaran an impeachment case.

Gintagan duon han resolusyon han LPP nga imbes nga pagbahinbahinon an katawhan Pilipino, kinahanglan pag-urusa-on lugod ini ngan magburublig agud malampusan an krisis pinansyal ngan magin progresibo an ekonomiya han nasud. (PIA-Eastern Samar) [top]

|«  prev  next  »|
DAILY NEWS LIST:
»Migration musicale educates Dabawenyos
»Lapanday assists DOLE micro incubation center
»DSWD XI chief links with local social welfare officers on Pantawid projects
»American mom inspires mothers of children with autism during Davao visit
»Young Dabawenya named as Bright Child Junior Ambassador
»Davao dad supports text revenue for school dev't bill
»RA 9504 intends to give minimum wage earners tax exemptions - BIR
»Davao Light values formation project for youth now on 7th year
»PPO organizes family day for probationers, parolees
»AFP, PNP unfazed by MILF reprisal on SC decision on MOA-AD unconstitutionality
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines