Ilocano News: P500 para senior citizens
Ni Imelda Castro-Rivero
Vigan City (27 November) -- Nasapa a Paskua para kada lelong ken lelang ti maited a P500.00 manipud ti Katas ng VAT: Tulong kay Lolo at Lola a proyekto ni Presidente Gloria Macapagal-Arroyo. Daytoy maminsan laeng a maited ket adda P22.5 million a para Rehion I.
Dagiti maikkan ket masapul a 70 tawenna agpangato. Dependent ken ti pamiliana ket adda iti poverty line; awanan ti retirement benefit manipud gobierno wenno pribado kas ti Government Service Insurance System, Social Security System wenno dadduma pay.
Addan 3,165 a naikkan ket mapanto ti Departamento ti Social Welfare and Development workers iti Bauang, Aringay, Bacnota, Pugo, Bangar, Luna ken San Gabriel iti La Union ken iti Urdaneta City. Iti Nobiembre 24-28 dagitoy ti maikkan: Balaoan (471), Caba (364), Bagulin (238), Burgos (183), Tubao (250) iti La Union; Santa (519), ken Bantay (709) iti Ilocos Sur; Villasis (939), Bautista (646) iti Pangasinan.
Adda maysa million a senior citizens ti maikkan iti intero a pagillian manipud daytoy proyekto a naggapu iti buis ti lana sakbay nga aggibus ti tawen kuna ni DSWD Central Office. Ket addanto manen sumaruno. Daytoy ket first-come-first-served basis kadagiti ili a mangited ti listaan dagiti senior citizensda a kwalipikado.
Iti panangala ti P500 masapul ti valid identification card, wenno certification ti barangay captain a mangipakita tie dad ti senior citizens ken ti estaduna ti biag ken awan insurancena manipud gobierno. No isaupna ti senior citizens ti mangala masapul ti valid ID ti senior citizens ken authorization letterna a daytoy ti mangibagi kenkuana. Mangipakita pay ti senior citizens ken ti mangibagi kenkuana ti photocopies ti valid Idsda, segun kenni Focal Person Virginia Sosay iti DSWD Field Office I. (PIA Ilocos Sur) [top]
