Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 24 January 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << January 2022 >> 
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2008/12/22

Ilocano News: Pannakasalaknib dagiti Ubbing

Ni Imelda Castro-Rivero

San Fernando City, La Union (22 December) -- Importante dagiti ubbing iti biagtayo. No awanda, adda pay ngata kolor wenno musika iti lubong? Dagiti ubbing ket awan gawayda. Saanda a nagayatan ti pannakaipasngayda. Kas kuna ti maysa a nalatak nga international photographer, isuda ket biktima dagiti paspasamak. Isu a rebbengen dagiti nagannak ken amin nga adda nakemna iti komunidad ti mangsalaknib kadakuada. Kitaentayo no kasano ti panangilala ni apo Jesus kadagiti ubbing iti Ebanghelio ni San Mateo 19: 13-15.

"Adda sumagmamano a tattao a nangyasideg kadagiti ubbing ken ni Jesus tapno ipatayna ti imana kadakuada ken ikararaganna ida. Ngem inungtan ida dagiti adalan gapu iti inaramidda.

Palubosanyo dagiti ubbing nga umay kaniak," kinuna ni Jesus. "Diyo paritan ida ta dagiti kas kadakuada ti agtagikua iti Pagarian ti Langit." Ket impatayna ti imana kadakuada sa pimmanaw.

Iti Third World Congress Against Sexual Exploitation of Children and Adolescents diay Janeiro, Brazil imbaga ni Department of Social Welfare and Development Secretary Esperanza Cabral a nakairecord ti opisina ti 8,151 a kaso ti panagabuso kadagiti ubbing idi 2007. Ti met United Nations Study on Violence Against Children idi 2007 ipakitana a ti sexual exploitation dagiti ubbing ket umad-adu iti lubong.

Ti 2008 Implementation Report on the 'Optional Protocol to the Convention on the Rights of the Child on the Sale of Children, Child Prostitution and Child Pornography' ket imbagana a ti kinapanglaw ti mangidurduron kadagiti adu a million a Filipino a mangpanaw ti pamiliada a mapan agtrabaho iti adayo ket mabaybay-an dagiti ubbing a dumakkel nga awan ti nagannak wenno maysa la a naganak ti kaduada.

Adda dagiti linteg a mangsalaknib kadagiti ubbing: Republic Act 9208 wenno Anti-Trafficking in Persons Act 2003 a mangsungbat ti sexual exploitation of women and children ken ti Republic Act 9231 a mangipagel ti panagusar, panaggatang, panangisagut ken panangi-expose kadagiti ubbing iti prostitusion, pannakaaramid ti pornograpia ken pornographic performances.

Makatulong pay ti Pantawid Pamilyang Pilipino Program a mangted kadagiti pamilia ti wagas a mapapintas ti human capitalda; ti Philippine Time-Bound Program a mangsuporta ti pannakaipagel ken pannakaikkat dagiti kadadaksan a kita ti child labor; ken ti Child Wise Tourism Project ti Departamento ti Turismo a mangsanay kadagiti agtrabtrabaho iti turismo, dagiti tour guides ken taxi drivers ta inda itudo ken ireport ti child sexual exploitation iti industria ti turismo.

Ti Amended Omnibus Guidelines for Minors Travelling Abroad ket naaramid tapno malapdan ti cross-border trafficking dagiti ubbing. Ti Child Friendly Investigative Studios ken Protocol on Child Friendly Investigative Interview ket us-usarenen dagiti ahensia ti gobierno tapno mailiklik dagiti naabuso nga ubbing iti rigat ti pananglagipda iti nakabutbuteng a napasamak kadakuada.

Tumultulong met dagiti grupo nga awan iti gobierno kas ti simbaan wenno sibilian tapno agtultuloy a masigurado ti pannakasalaknib dagiti ubbing.

Ti panangipateg ti kada maysa nga ubing iti lubong ket isu ti mangiduron kadatayo a mangireport, mangaramid ti wagas tapno dagitoy ket masalaknibanda kontra panagabuso, ken pannakabaybay-a. (PIA Ilocos Sur) [top]

|«  prev  next  »|
DAILY NEWS LIST:
»Ilocano News: Agtitinnulong kontra korupsion
»14,000 OSYs benefit in Tarlac, Pampanga
»Sorsogon town intensifies public health campaign
»Ilocano News: Pannakasalaknib dagiti Ubbing
»Sorsogon pushes "Padaba Ko Kumpleto Records Ko" barangay-based program on health
»PhilHealth extends coverage of maternity care package
»14.5-M Filipinos benefit from Tindahan Natin outlets
»OWWA releases P58-M for scholarship grants, trainings
»All set for 5th National Skimboarding Competition in Leyte's Tanauan town
»Gov't workers thank PGMA for performance bonus
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines