Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 21 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/09

Pangasinan News: Gobernador Espino kinerew toy tulong na balang sakey

Nen Danny O Sagun

Lingayen, Pangasinan (9 Pebrero) -- Kinerew nen Gobernador Amado Espino, Jr. nen kabuasan so pantululongan na amin pian nagawaan iray programa tan proyekto parad pankaabigay ombaley.

Diad agawan State of the Province Address (SOPA) to diad Capitol plaza, indanet ton nasumpal iray kugkugip ya iyaligwas na luyag diad panamegley na kontribusyon na balang sakey anggan diad saray angkelag iran bengatla.

"Kerewen ko ya gawaen yoy nabebetangan yo, aliwan diad saray angkabaleg iran bengatla, balet anggan saray angkelag," inkuan to. Kinerew tod ombaley so panlinis ed saray kaliberliber, kailogan, saray opisina, tindaan, tna ontan met ed panmanti na mauksoy ya trapiko, dugan panangibantak na dutak tan arum niran nagawaay baling sakey tan saray ahensyay gobyerno.

Kinerew tod saray managpoonan tan negosyante ya pantetekepen daray kayamanan da parad iyaligwas na lokal a turismo, saray angkelag iran industriya tan panlako na ray produktoy probinsya.

Tinawagan to met so departmento na trade and industry tan turismo, saray local chambers of commerce and industry tan tourism councils ya mangipasen na visitor information and assistance centers, ontan met ed product display centers diad nanduruman lugar ed luyag pian nialibansay local tourist spots tan saray produktoy probinsya.

"Waa ti natan ed kapegleyan na mairap tan makapasubok iran panaon, tan sirin kaukolan tayon anapen iray epektibon paraan pian mamalesay oportunidad parad saray ombaley," inkuanto.

Inreport met na gobernador iray agawaan na administrasyon to ed loob na sakey taon tan kapaldua - say impamaaligwas na itsuray Kapitolyo, impamaaligwas na serbisyod saray ospital, impangiter na health insurance ed saray pobre, impanmantini uksoy tan deen, impangawa tan impanpaapiger na saray dalan, taytay tan kuartoy eskuelaan, impangipalaboy pareparehon teacher guidebooks ed public schools pian napaaligwas so kalidad na edukasyon, tan imbaleg na produksyon ed agrikultura.

Inkuanton dakel ni so nepeg ya nagawaan pero nagawaan irantan diad pantutulongan na balang sakey.

Kayari na impansalita to et agaway tradisyonal ya courtesy call ed say gobernador tan saray arum ya opisyal na probinsya. (PIA Pangasinan) [top]

|«  prev  next  »|
DAILY NEWS LIST:
»DOH launches P100 drug regimen at EVRMC
»RDC-8 tackles integration of rights-based approach in dev't policies
»PGADC Zambo Sur eyes women and children issues
»Zambo City commemorates Dia de Roseller Lim
»Zambo CHO serves 600 Manicahan folks in free clinic
»Coastal town braces for greater role in environmental management through Al Khalifa
»Hiligaynon News: PhilHealth magapanguna sa selebrasyon sa National Health Insurance Month karon nga Pebrero
»Hiligaynon News: Fil-Am nga Congressman sa Amerika nagpasalig sang suporta sa mga Pilipino
»Hiligaynon News: Bag-o nga US Secretary of State ginpasalig ang maayo nga relasyon sang Pilipinas kag Amerika
»Hiligaynon News: PGMA nag-abot na sa Pilipinas matapos ang pagbisita sa 5 ka mga kapungsuran
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines