Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 24 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/11

Ilocano News: South Australia, agkasapulan ti agarup 10,000 a trabahadores ita a tawen

Ni Miriam P. Aquino

San Fernando City, La Union (11 February) -- Mabalinen nga ag-aplay iti trabaho sadiay South Australia, iti nasyon nga agkasapulan ti agarup 10,000 a trabahadores ita a tawen, dagiti overseas Filipino workers (OFWs) a napagawid ken naikkat/naawanan ti trabaho, daytoy ti kinuna ti Philippine Overseas Employment Administration (POEA).

Kinuna ni POEA Administrator Jennifer Jardin-Manalili nga agawat ti rinibu a Pilipino a construction workers, welders ken pipe-fitters ti nasao a nasyon para iti road rehabilitation a proyekto da iti sumaruno a sangapulo a tawen.

Kinuna pay ni Manalili a posible nga umabot iti 133,000 ti manpower requirement ti Australia agingga ti 2018, ken sabalinto pay ti 206,000 a trabahadores a masapul da a mangsukat kadagiti pumanawen a trabahadores da.

Nupay negatibo ti epekto iti agdama a sangalubungan a krisis pampinansiyal kadagiti eksporta, manufacturing ken retail a sektor da, impaseguro ti Australya a agawat da latta ti OFWs ita a tawen.

Iti nabiit, nagmiting dagiti labor officials iti Pilipinas ken dagiti employer wenno agpupuunan nga Australyano tapnu mapagsasaritaan da ti panag-recruit kadagiti Pilipino a trabahadores ket maikkanda ida ti dagus a pagbirukanda idiay lugar a destinasyonda agsipud ta apektado da met iti makunkuna a global economic slump.

"Nakasanayanen ti South Australia ti agawat ken agrecruit ti skilled a trabahadores a Pilipino tapnu masolbar ti dakkel a problema da ti skills shortage ken agin-inut met a mangpatalna ken mangpababa ti pressure kadagiti naduma-duma nga employers iti estado ti Australya nga addaan ti nakaro a parikut na ti kinakurang kadagiti esensiyal a skills," kinuna ni Manalili.

Maysa a technical team ti Department of Labor and Employment ken ti Department of Immigration and Citizenship ti Australya ti nagrugi iti konsultasyon idi pay napalabas a tawen para iti pannakabukel ti memorandum of understanding (MOU) a makaipaay para ti recruitment dagiti skilled OFWs sadiay Australya.

Impaunay-unay pay ni Manalili nga ti recruitment ti OFWs ket agbalin to a naurnos, nadisente, ken maibasar kadagiti gakat ken polisiya iti Pilipinas ken iti Australya a mangipaay ti proteksiyon ken pagprogresuan kasta met ti skills upgrading dagiti OFWs.

Idiay South Australia, agarup 1.6 milyon a tattao ti agnanaed idiay estado a mangbukbukel ti nakurkurang ngem 10 a porsiyento ti populasyon ti Australyano. Ti ekonomiya ditoy ket mangnamnama iti agrikultura, panagmina, manufacturing, kaaduan ti automotive ken component parts, parmasyotiko, defense technology, ken electronic systems. (PIA La Union) [top]

|«  prev  next  »|
DAILY NEWS LIST:
»DOT 8 facilitates production of Eastern Visayas brochure maps
»T'bolis welcome NCIP delineation of ancestral domain
»Child Sexual Abuse Prevention Week set February 8-14
»Canada, UPMin to bring McLuhan Forum to Davao City
»AGR Charity Run on Feb. 14
»DTI cedes greater portion of Gredu property to occupants
»Feature: Celebrate love month with art
»30% of Region XI barangays landslide prone - MGB
»DOLE XI facilitates employment for retrenched workers
»Companies must adopt "flexible work" rather than total closure
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines