Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 24 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/17

Cebuano News: PGMA nanguna sa pag-ila sa mga modelo sa pagpasuso

By Rodrigo S. Victoria

Manila (17 February) -- Si Presidente Gloria Macapagal Arroyo mitataw kagahapong adlawa sa importansya sa pagpasuso sa pakig-away batok sa malnutrisyon ug kagutom ubos sa National Plan of Action on Infant and Young Child Feeding (IYCF) pinaagi sa pagpresentar sa mga pasidungog ngadto sa sumbanan nga mga modelo sa pagpasuso.

Ang Presidente mipresentar sa pasidungog sa Breastfeeding Queen of the Philippines ngadto kang Dr. Susann Roth, usa ka lumolupyong Aleman kinsa misagop sa Pilipinas isip iyang pinuy-anang nasud alang sa pagpasuso sa iyang duha ka mga anak gikan sa pagkatawo hangtod sa pagkakaron.

Ang pasidungog sa Breastfed Prince of the Philippines gihatag ngadto sa managsuong Tagala nga sila si Daniel, David ug Jimmy, Jr., Jonathan kinsa tanang mananaug sa nasudnong kompetisyon alang sa batan-ong mga musikero samtang ang pasidungog sa Breastfed Princess of the Philippines nahingadto kang Sierra Isabelle Castillo, usa ka eskolar sa kolehiyo sa UP ug usa ka soprano sa nabantog nga UP Singing Ambassadors ug si Mikaela Fudolog, 16 anyos nga summa cum laude ug gradwado sa Physics sa University of the Philippines

Mga pagtuon nagpakita nga ang pagpasuso nagseguro sa hangtod sa kinabuhi nga panglawas ug kaugalingon, estabilidad sa emosyon ug intelehenting kalambuan sa umaabot nga mga henerasyon.

Base sa talaan sa DOH, ang Pilipinas kalakip sa mga nasud nga may taas nga mga insidente sa pagpangamatay sa mga kabataan nga nagpangedaron ug lima ka tuig paubos.

Ang DOH nagkanayon nga kini nga mga pagpangamatay ang mapakgang kung ang mga kabataan eksklusibo nga mapakaon pinaagi sa pagpasuso diha sa unang unom ka mga bulan katapos sa pagpanganak, paghatag ug nahaom nga komplemento nga pagpakaon sa unom ka bulan ug padayon nga pasusohon bisan sakob sa duha ka tuig.

Mga pagtuon usab nagpakita nga ang gatas sa inahan mao ang pinakamaayo nga pagkaon nga magtabang sa pagpanalipod sa bata batok sa kadaghanan nga mga sakit nga walay gasto.

Ang pagpasuso magsugod sakob sa 30 minutos katapos sa pagpanganak samtang ang gatas sa suso mas limpyo, mas sayon sa pagkaon, may ensaktong temperature ug makatabang sa mga kabataan sa pagpakighiusa sa ilang inahan.

Ang colostrums, ang pasiunang dulawon nga tubig nga gikan sa suso sa unang duha ngadto sa tulo ka ad law katapos sa pag-anak sa bata, makatabang sa pagpanalipod sa mga bata gikan sa infection.

Ang Presidente usab mipresentar sa kopya sa Memorandum of Agreement kauban sa NGO Children for Breastfeeding, DepEd, TESDA, Commission on Higher Education ug sa Philippine Medical Association (PMA) sa pagpahigayon ug pag-awhag nga mga seminar alang sa mga magtutudlo ning panahon sa summer. Kini mag-andam sa mga suportang materyales alang sa pagtudlo nga pagagamiton layon sa sunod tuig ting-tungha kay ang pagpasuso ang ilakip sa curriculum sa mga eskwelahan sa elementarya ug sekondarya. (PIA-Biliran) [top]

|«  prev  next  »|
DAILY NEWS LIST:
»Sanitation now DOH's top priority
»Region XI launches "HL to the Max"
»Feature: Home-cooked vegetables still the best
»Total power outage hits Davao Light franchise area
»DENR launches hunt for CARAGA Region timber smugglers
»Roxas seeks VAT exemption for senior citizens
»Cebuano News: Pondo sa US alang sa mga WWII beterano, gikalipay
»GTZ fund to help mitigate impact of climate change
»Sulu consumers set to avail power subsidy from PGMA's Pantawid Kuryente program
»Cebuano News: PGMA ninglihok mahitungod sa pagmenos ug pagsulbar sa mga kaso sa droga
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines