Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/19

Waray-Waray News: GRP andam na para makighurohimangraw hit MILF Razon

Manila (19 February) -- Hi Presidential Adviser on the Peace Process nga hi Avelino I. Razon Jr. in nagpasamwak dida han Martes nga adlaw nga it gobyerno in andam na lumingkod lumingkod utro para makighurohimangraw hit Moro Islamic Liberation Front o MILF parti han 3-Rs reasseart, review ngan redirect. Ini nga ira hurohimangraw in temporaryo nga na-stambay han nakalabay nga uno ka bulan.

"Kun nasiring kami nga it gobyerno in andam na nga utro makighurohimangraw hit MILF, ito in puno hin sinsiridad," sering ni Razon dida han Enero 29, nga amo an lumiwan kan Secretary Hermogenes C. Esperon Jr., nga amo liwat an lumingkod bali Chief han Presidential Management Staff (PMS).

"Una, gusto namon nga igpadayon an naukoy nga pakighurohimangraw hit MILF para igduso ha duha nga partido it sinsiridad nga magkaada hin kamurayawan ngan it padayon pagsunod kun ano man it pagkasarusarabutan, lab-I na gud pagpa-ukoy hiton mga diri pagkaarasya ngan aydon ngan igpa-uroupay iton mga lugar nga naapektuhan han aru-aragway, kun diin amo an pinakaposti han aton sarusarabot para pankamurayawan," sering ni Razon.

"Bahin hini, gusto namon igkahurohimangraw hit MILF parti pagbag-o hit mga mandamiento han Ad-hoc Joint Action Group (AHJAG), an International Monitoring Team (IMT), upod na an posibilidad nga mga pagbag-o dida hit organisasyon ngan ha pagpamyembro," dugang pa niya.

"Ika-duha," sering niya, gusto han gobyerno nga ibalik an na-ukoy nga negosasyon "para pag-adman ngan magrekomendar hin mga pagpa-upay ngan pagpa-uswag hiton paagi ngan tindog hiton proseso paghatag hin kasayuran."

Sering pa ni Razon nga an ika-tulo nga rason pagbalik han hurohimangraw in "para pag-adman an parti han pamaagi han Comprehensive Compact."

"An gobyerno in seryoso para han dagmit nga pagpadayon nga hurohimangraw hit aton mga kabugtuan nga mga rebelde nga Muslim para magkaada kita hin tim-us nga kamurayawan diri la ha Mindanao kundi ha bug-os nga nasud," sering ni Razon.

"Oras na para tagan naton it mga Pilipino hin higayon pagtalinguha hin kamurayawan. Sobra na ini kaatrasado," sering ni Razon.

"Waray gud liwan it kamurayawan salit nananawagan ako hit mga lideres hit MILF nga bumalik na ha lamisa para makipagnegosasyon para masolbar na ini nga aton mga dilito hin mamurayawna pamaagi," sering ni Razon.

Dungan hini, sering ni Razon nga nalilipay hiya pakanotar nga damo nga mga nasud sugad hit Malaysia, Estados Unidos, Britain, New Zealand, Australia, Canada, Japan, Libya, Norway, Brunei, ngan Sweden in puro nasurporta hit proseso parti kamurayawan para hira magpadayon.

"Para mabuhat naton ini, kinahanglan ipakurokusog naton it aton pagtapud pagpakurokusog hit kumpyansa ngan himuon it aton mga mahirimo nga malapsan naton it mga magpakaurolang ha aton aagian ngan magkaada hin tinuod ngan padayon nga kamurayawan para ha aton nasud," dugang pa ni Razon. (PIA 8/maa) [top]

|«  prev  next  »|
DAILY NEWS LIST:
»Waray-Waray News: GRP andam na para makighurohimangraw hit MILF Razon
»Waray-Waray News: Mga opurtunidad nakatalaan ha mga miyembro ha pag piperma ni Presidente Arroyo han 'Cooperative Code of 2008'
»Cebu Pacific now flies Manila-Calbayog
»Waray-Waray News: Task force, mag iimbistigar han mga nagtalapas han Oil Deregulation Law
»Comelec offices open on Saturdays, holidays starting February 28
»Decision on proposed fare cut to be announced before weekend, says LTFRB
»$198-M compensation package shows America's great respect for Filvets - US Embassy
»PGMA, investors visit Samal Mariculture Park
»Opportunities in Samal "aqua-industrial park"
»Finance Secretary, BIR Commissioner to lead BIR's kick-off tax campaign
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines