Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 21 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/25

Ilocano News: Agaramid ti sabon dagiti agad-adal ken ubbing

Ni Imelda Castro-Rivero

Vigan City (25 February) -- Adda 1.3 milion nga agad-adal manipud pampubliko a pagadalan iti Central Luzon ti maipaayan ti cash-in-soap program kasta met kadagiti out-of-school youth (OSY) kuna ni Sekretario Hesli Lapus ti Departamento ti Edukasion itay Lunes.

Dagiti OSY ket nagsanayda iti panagaramidan ti medicinal soap babaen kadagiti school health personnel a nagsanay babaen met ti Philippine Institute of Traditional and Alternative Health Care (PITAHC).

Namnamaenmi ti agdagup 12,300 nga OSY nga agpartuat kadagiti herb-based health soaps a nairanta para kadagiti agad-adal nga ubbing nga addaan kadagiti nadumaduma a sakit ti kudil iti Tarlac ken Pampanga, kuna ni Lapus. Naited kenkuana ti trabaho a mangsigurado ken mangkita ti pannakairussuat dagiti proyekto babaen ti Comprehensive Livelihood and Emergency Employment Program (CLEEP). Ket daytoy panagaramidan ti sabon ket babaen daytoy a programa nga ipangpangruna ni Presidente Gloria Macapagal-Arroyo tapno masungbatan ti epekto ti nainlubungan a krisis ekonomia.

Dagiti dadduma a proyekto ti CLEEP a kitkitaen ni Lapus ket utility services kadagiti pampubliko a pagadalan, livestock dispersal, pannakatarimaan dagiti irrigasion, pannakabangon dagiti diversion dams ken panagaramid ti organic a ganagan iti umuna a distrito iti Tarlac.

Iti panagaramidan ti sabon, kada OSY ket manamnama a makaganar iti P4,000.00 babaen ti panagaramidna ti 2,000 bara a sabon. Ti 20 nga aldaw a panagaramid ti sabon ket makapartuat ti 24.6 milion a barra. Abril inggana't Hunio daytoy a tawen ti tiempo a panagaramidda ti sabon ket maitedto met dagitoy a sabon kadagiti ubbing iti sumaruna a panagseserrek 2009-2010.

Maited ti uppat a barra a Citronella sabon para ti kuto, uppat a barra Acapulco wenno Guava sabon para ti sakit ti kudil, ken 12 bara kalamansi sabon para personal hygiene, kuna pay ni Lapus. Makitkita, kunana pay, a daytoy ket mangirugi ti pannakapartuat ti adu a trabaho ken nayon a pagsapulan. Mamati isuna a daytoy panagaramid ti sabon ket masustener. Masapul, kunana pay, ti panagpartuat kadagitoy a sabon tapno maikkat ti kuto ken sakit ti kudil dagiti nubbing.

Parte ti Essential Health Care Package ti pannkaiwaras dagiti sabon a pinunduan dagiti local a gobierno. Ti pakete ket pakairamanan ti sabon, toothpaste, toothbrush ken tableta a pangikkat ti arriek dagiti ubbing. Adda dagiti panagadal a mangipakpakita a 46 porsiento kadagiti ubbing iti Rehion III ket addaan kuto, ket 40 porsiento met ti addaan sakit ti kudil. Isu a managbabainda, ket saanda nga aktibo iti uneg ti klaseda.

Mapapintas ti panagpartisipar dagiti ubbing iti klase, kasta met ti pannakaikabesada kadagiti leksionda no maipakamaysa daytoy a programa kuna met ni Assistant Secretary for Special Concerns Thelma Santos.

Idi 2008 adda 1,500 OSY nga innala ti Departamento ti Edukasion a timmultulong kadagiti pampubliko a pagadalan. Adu dagiti tumultulong kadagitoy a programa, dagiti local government units ken pribado a sektor kuna ni Lapus. Dagiti sekretario iti Kabinete ket isuda ti mangkitkita kadagiti nagduduma a rehion a nakaikabilan dagiti maipangpangruna a proyekto ti administrasion Arroyo. (PIA Ilocos Sur) [top]

|«  prev  next  »|
DAILY NEWS LIST:
»NSA Gonzales, bishops push for transparent poll automation
»Soldiers' kids get scholarship
»Only Davao Norte has ready ECCD sustainability fund - CWC
»Joey Ayala lauds Musikahan
»PGMA bares Davao baseport expansion marker
»Army's 10th ID in need of 250 new soldiers
»DTI to create more micro industries in Davao City
»Gov. Malanyaon leads inauguration of shelter units in Davao Oriental
»World-renowned Arnis guru visits Davao
»PGMA matches Pangasinan town's school board's outlay for school improvement projects
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines