Presidential Communications Operations Office



  PIA Bldg, Visayas Ave, Diliman, Quezon City, Philippines
  Monday, 21 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/02/25

Ilocano News: Presidente Arroyo: Kabarbaro a Programa ti Edukasion para ti Sosiodad

Ni Imelda Castro-Rivero

Vigan City (25 February) -- Nairugin tatta a tawen ti pannakapartuat ti programa ti edukasion a ti kitkitaenna ket ti masakbayan ti pagillian isu a daytoy ket maipangruna ti epekto ti edukasion iti sosiodad. Daytoy ti inwaragawag ni Presidente Gloria Macapagal-Arroyo kadagiti taga-Binalonan, Pangasinan idi bimmisita ditoy iti umuna a parte daytoy a lawas malpasna nga inagunaran ti maysa a pasdek ti Binalonan South Central School.

Kasapulan ti panagitipon ti puwersa ti Departamento ti Edukasion, Commission on Higher Education ken ti Technical Education and Skills Development Authority (TESDA), kuna ti Presidente. Innayonna pay a ti Presidential Task Force on Education a binuangayna ket inrekomendarna ti pannakapasayaat ti estado ti edukasion iti pagillian - manipud pre-school education inggana't masteral ken doctoral education.

Inkagumaan ti Administration Arroyo ti panagbalbaliw ti pre-school education idi pirmaan ti Presidente ti Executive Order 685 tapno mabalin a sumrek dagiti agtawen ti lima nga ubbing iti pre-school tapno mapaadu dagiti agbasa iti umuna a grado.

Iti daytoy kabarbaro a curriculum ti pre-school dagiti agtawen ti lima ket masapul nga agadalda kadagitoy: (1) Values development; (2) Physical health and motor development; (3) Social and Emotional development; (4) Cognitive development; (5) Creative arts; (6)Reading and writing readiness; ken (7) Language, literacy and communication.

Inripirip pay ti Presidente ti determinasion ti administrasionna a mangpababa ti bilang dagiti agsardeng nga agbasa iti singko porsiento iti 2010, ket kinaritna ni Dep Ed Sekretario Jesli Lapus a daytoy ket pumudno kas panangtungpal ti millennium development goal a maawagan ti 'universal primary education.'

Fit for School Program

Babaen daytoy a programa nailunsad ti Essential Health Care Package nga irusrussuat ti programa ti WHO-UNICEF a Health Promoting Schools kadagiti pampubliko nga elementaria ken daycare centers. Gandat ti programa ti panangpababa ti saan a maikaskaso a saksakit dagiti ubbing kas parasitic infections, ken dental problems. Dagitoy dagiti kangrunaan a makaigapu ti panaglangan iti klase dagiti ubbing.

Maisuro ti husto a panagbuggo ti ima, ken panagsipilio ti ngipen kadagiti ubbing. Ket mapatumaranda met ti tableta kontra ariek.

Aramid dagiti lokal school boards

Inriprip pay ti Presidente ti kinaimportante dagiti local school boards kadagiti ili, ciudad ken probinsia. Inpalagipna pay a ti Local Government Code ket mangilatang para ti special education fund ti maysa porsiente iti real property tax para ti proyekto a mangpapintas kadagiti pagadalan. Kunana pay nga ikkanna ti Binalonan ti isu met la gated iti mailatang ti school boardda para kadagiti pagadalan. Inkari met ni Binalonan Mayor Ramon Guico, Jr, ti Presidente ti League of Municipalities of the Philippines, a pagbalinenda a 94% ti pagpangattuan ti bilang dagiti agbasbasa iti ilida iti tawen 2010. (PIA Ilocos Sur) [top]

|«  prev  next  »|
DAILY NEWS LIST:
»NSA Gonzales, bishops push for transparent poll automation
»Soldiers' kids get scholarship
»Only Davao Norte has ready ECCD sustainability fund - CWC
»Joey Ayala lauds Musikahan
»PGMA bares Davao baseport expansion marker
»Army's 10th ID in need of 250 new soldiers
»DTI to create more micro industries in Davao City
»Gov. Malanyaon leads inauguration of shelter units in Davao Oriental
»World-renowned Arnis guru visits Davao
»PGMA matches Pangasinan town's school board's outlay for school improvement projects
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines