Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 15 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/02

Waray-Waray News: Maniriday ha Rehiyon 8 nagdaog ha national writers workshop

Ni Neil D. Lopido

Tacloban City (Hunyo 2) -- Subay han nakalap nga notisya, duha nga taga Samar an nagdaog han Jimmy Balacuit Literary Award han gindumara pala nga 16th Iligan National Writers Workshop hadton Mayo 25-29, 2009 ha Mindanao State University-Iligan Institute of Technology (MSU-IIT).

An duha nga magsusurat hin siday in hira Harold L. Mercurio, taga Siyudad han Calbayog, ngan Jhonil Bajado, taga Maydolong, Eastern Samar, pareho nagradwar ha UP Tacloban College.

Si Mercurio in nakaangkon han ikaduha nga lugar ngan hi Bajado naman han ikatulo nga lugar ha Poetry Category. Samtang, hi Cindy A. Velasquez han University of San Carlos, Cebu City an nagdaog han primero nga lugar han nasabi nga paisan-isan.

Hira Mercurio ngan Bajado in mayda premyo ngan sertipiko nga nakarawat hatag han MSU-IIT ngan han Jimmy Balacuit Foundation lakip an libre nga rehistro, pamasahe, ngan board and lodging.

Kon mahihinumduman, tulo gihapon nga manunurat ha Rehiyon 8 an nakaangkon han nasabi nga premyo han nakalabay nga tuig—hira Leonilo Lopido, taga Dolores, Eastern Samar ngan Luciano Abia, taga Basey, Samar (Poetry Category) ngan Efmer Agustin han Abuyog, Leyte (Fiction).

An Iligan National Writers' Workshop in tinuig nga pandayan han siday, halipot nga estorya ngan pagsurat hin pasalida sa entablado ha pipira nga pinulungan, sugad han Tagalog, Cebuano, Chavacano, Hiligaynon, Waray ngan Iningles. Igin papadalagan ini ni Prof. Christine Godinez-Ortega pinaagi han Mindanao Creative Writers Group, Inc. ngan MSU-Iligan Institute of Technology. Ini nga aktibidad in ginpunduhan han National Commission for Culture and the Arts (NCCA).

Hi Ralph Semino Galan, usa nga bantugan nga magsusurat ngan alumnus han INWW, amo an gin-imbitar maghatag han keynote ha 16th INWW.

An evaluators han mga nagpadara han manuscripts yana nga tuig amo hira Bro. Karl Gaspar, CSsR, C. Godinez-Ortega, Arlene Yandug, Ed P. Ortega, German Gervacio, Steve Fernandez ngan Zola Gonzalez Macarambon.

Samtang, an panelists nga tumambong amo hira Ma. Rosario Cruz Lucero (UP Diliman), Jaime An Lim (FEU), Merlie M. Alunan (UP Tacloban), Victor N. Sugbo (UP Tacloban), Leoncio P. Deriada (UP Iloilo), German V. Gervacio (MSU-IIT), Steven Patrick C. Fernandez (MSU-IIT), Macario Tiu (Ateneo de Zamboanga), Ralph Semino Galan (UST), ngan Christine Godinez-Ortega (MSU-IIT).

An highlight han nasabi nga kigwaos amo an launching han 15th INWW Proceedings, 'About Us' edited ni Prof. Christine Godinez-Ortega ngan an Special Issue han Mindanao Forum nga nagtitig-ob han keynote lectures tikang kan Lumbera ngadto kan Enriquez edited ni Christine Godinez-Ortega nga ginpublikar san MSU-IIT OVCRE. (PIA-8/with Harold Mercurio) [top]

|«  prev  next  »|
DAILY NEWS LIST:
»Philippine Eagle Week celebrations bared
»Davao business urged: Explore trading ventures with Belgium
»Euro chamber to send bigger biz mission to Mindanao in August
»R-XI highest in availments of livelihood loan
»Flores de Tagumeño is Tagum's way of celebrating Santacruzan
»LGU urged to address climate change issue now
»DepEd expects better education after BEAM Project
»CPP/NPA bent on killing rampage, says Army
»Leyte gov reveals PGMA fund assistance for relocation sites of disaster areas
»Southern Leyte to invite Pacquiao as guest on opening day for 49th provincial anniversary
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines