Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 15 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/04

Waray-Waray News: "Cha-cha" ha Kongreso, diri panginginlabotan han Malacaņang

Manila (4 June) -- Diri manginginlabot an Malacaņang hiton gintratratar han Kongreso kon an pag-amyendar han Batakan Balaud an paghihiruhimangrawan. Amo ini an pahayag ni Executive Secretary Eduardo Ermita kakulop, Miyerkules.

Sigun kan Ermita kinahanglan nga sundon la naton an balaud. Diri daw makakapugong hi Pangulo Gloria Macapagal-Arroyo hiton Kongreso ha paggi-os hini pag-amyendar han Konstitusyon tubtob nga nasusubay pa ini hiton balaud.

Sumala kan Ermita, diri pa kita sigurado hiton mahingangadto-an hini, salit hulaton na daw la naton an pinal nga resulta.

Kondi iginpatapod ni Ermita nga magkakamay-ada eleksyon hiton 2010 sugad nga nahipapatik dida hiton Konstitusyon bisan kon puede gihapon pagbuhaton en pati-una nga mga pitad pag-amyendar han Konstitusyon.

Gintagan niya hin duon nga bisan kon suportado han Pangulo an ano man nga pitad pag-amyendar han presente nga konstitusyon, iya gud ginhingadayan dida han iya naglabay nga State-of-the-Nation Address an kakinahanglanon nga amyendaran la adton mga probisyones pan-ekonomiya han Konstitusyon.

Samtang, nagpahayag hi Ermita nga waray niya nahibabaro-an nga iginhatag han Pangulo an iya bendisyon o suporta ngadto han mga kaalyado nga mga kongresista agud igduso an pag-amyendar han Konstitusyon.

Bahin naman han akusasyon han oposisyon nga gintagan hin tag-20 milyones de pesos ni Pangulo Arroyo an kada kongresista nga masuporta han Constituent Assembly nga paagi hin pag-amyendar han Konstitusyon, nagsiring hi Ermita nga pagbanabana la ini ngan waray ini Kamatuoran.

Hadton Martes han gab-I, gin-aprubaran han Kamara de Representantes pinaagi hin 174 nga botos an House Resolution 1109, nga naghihingita nga ig-organisar an Kongreso ngadto hin usa nga Constituent Assembly (Con-Ass).

Ginplastar an balaudnon ni Camarines Sur Rep. Luis Villafuerte ngan ginpangamay-amayan ini ni Speaker Prospero Nograles.

Ilarum han HR 1109, diri pahihilawigon an termino ha katungdanan han ngatanan nga nanenerbihan ha pagkayana nga mga elehido nga mga opisyales lakip an Presidente, Bisi-Presidente, mga senador, mga kongresista, mga gobernador ngan mga alkalde.

Iginsasaysay gihapon han resolusyon nga magkakamay-ada pinili-ay hiton 2010, ngan an termino ha katungdanan han 12 nga mga senador nga nagka-eeliher hadton 2007 para hin unom-ka-tuig nga termino nga magtatapos hiton 2013 en diri pahahaliputon ngan kon sugad tutugotan nga manerbihan tubtob nga matapos an ira termino. (PIA-Eastern Samar) [top]

|«  prev  next  »|
DAILY NEWS LIST:
»Only 596 displaced in Region XI, DOLE says
»101 NGOs register with DSWD
»Tagum City conducts CIVOTESPRO qualifying examination
»People's health never sacrificed for Davao's rich harvests - PBGEA
»Establishment of Mindanao Cancer Center in Tagum City pushed
»Davao Oriental PENRO strengthens info education campaign on global warming
»Livelihood programs for R-XI workers offered
»Zambales PDCC moves to combat A(H1N1) virus
»836 patients get medical treatment
»DOH warns public on fake drugs
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines