Presidential Communications Operations Office



  PIA Bldg, Visayas Ave, Diliman, Quezon City, Philippines
  Friday, 18 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/08

Waray-Waray News: PGMA diri makandidato para Kongreso hiton 2010

Manila (8 June) -- Iginpahayag han Malacañang kakulop nga an aligasyon han oposisyon nga gagamiton ni Pangulo Gloria Macapagal-Arroyo an “Cha-cha” ngan an constituent assembly para magpadayon hiya ha poder lahos hiton 2010, amo en mga pagsari pagdung-it hiton presente nga administrasyon.

Dida hin usa nga briefing kataliwan gud la umabot an Pangulo kakulop han aga ha Ninoy Aquino International Airport tikang hin usa ka simana nga opisyal nga pagbisita ngadto ha South Korea ngan Russia, nagpahayag hi Press Secretary Cerge Remonde nga ginkumpirmar han Pangulo mismo nga madadayon an pinili-ay hiton 2010.

Han pagpaki-anhi ha iya kon naglalarang ba an Pangulo pagkandidato para ha Kongreso hiton 2010, sering ni Remonde nga waray larang para hini an Pangulo.

Sigun kan Remonde, an ngatanan nga magpakahuhulop nga mga kahimtang en igin-aakusar han oposisyon tungod hiton tidaraon nga kapanahonan han eleksyon.

Gintagan niya hin duon nga waray ha ano man nga paagi manginlabot an Pangulo han mga buruhaton han Kongreso dida hiton isyu pagtaga charter change o kon han ConAss. Salit, pakiana ni Remonde, kay ano nga igin-iinsister han oposisyon nga mayda kalabutan an Pangulo dida hiton ConAss?

Sering niya nga ginrerespeto han Malacañang an demokratiko nga mga katungod han kada tagsa ha pagpahayag han ira diri mga gin-aaboyonan ngan mga sentimiento ha ano man nga butang, kondi kinahanglan nira pagbuhaton ini subay hiton balaud.

Gintapo an Pangulo ha airport ni Executive Secretary Eduardo Ermita, Defense Secretary Gilberto Teodoro, ngan ni P/Supt. Jesus Versoza, labot hin iba pa. Hinugdon an iya eroplano han alas-otso han aga ngan kataliwan asihon adton mga nag-abi-abi ha iya ngan han iya mga kaugropod, sinakay na an Pangulo han iya sarakyan kataliwan hin dalikyat nga miting ngada hin pira nga mga opisyales.

Puno na naman an mga aktibidades han Pangulo yana nga simana nga pagtitikangan hin biyahe ngadto ha Porac yana nga adlaw, usa nga Cabinet meeting didto han state Dining Room buwas nga adlaw ngan hin serye hin mga biyahe ngadto ha Mindanao sakob hini nga simana.

Ngan hiton masunod nga simana, magpapatawag an Pangulo hin usa nga miting han Legislative Executive Development Advisory Council (LEDAC), sumala pa kan Remonde. (PIA-Eastern Samar) [top]

|«  prev  next  »|
DAILY NEWS LIST:
»Cebuano News: Trabaho, kapanginabuhian, diskuwento ug konsiyerto alang sa ika-111 nga sumad sa kaugalingnan sa nasud Hunyo 12
»Cebuano News: "Green groups" nagduso paghinlo sa dumpsites
»Cebuano News: Pilipinas nagtimaan sa World Environment Day
»P1.8 million worth of projects due for turnover in Anahawan
»PAG-ASA assures purchase of new doppler radars
»DAR, LGUs give P112.8 M for NVizcaya irrigation projects
»Help pours for honest Hongkong OFW
»DAR completes 86 percent land distribution in Nueva Vizcaya
»Boracay tourist arrivals top .3-M, generate P6-B receipts
»Cebuano News: PGMA mosusi sa mga proyekto sa mga kabus nga barangay sa Porac
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines