Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/10

Waray-Waray News: PGMA matambong han jobs fair, mangunguna pag-isa hit bandera hit Hunyo 12 ha Koronadal

Koronadal City (10 June) -- Hi Pangulo Gloria Macapagal-Arroyo in matambong hiton pag-abri han jobs fair ngan mangunguna han tradisyunal nga pag-isa hit bandera dida hiton Independence Day nga seremonyas.

Hi Koronadal City Mayor in nagsering nga an Pangulo kaupod han mga myembro ha kabinete in mapakada ha Koronadal para manginano han kanan local nga pangobyernohan pag-interbiner kuntra han impact han global recession.

Ginlalauman nga hi Pangulo Arroyo in makikigkirigta ha ira mga kausa ha politiko ngan matambong han pag-abri han kanan Department of Labor & Employment (DOLE) jobs fair para matagan an mga waray trabaho hin disente nga kakukuhan hin pangasto.

An mga bungto han South Cotabato ngan Koronadal dida han rehiyon han South Central Mindanao in nakikitaan nga makusog it pagtubo hit ekonomiya.

Nagsering hi DOLE-XII Regional Director Gloria Tango nga an iya opisina in naglunsad han kanan gobyerno Comprehensive Livelihood and Emergency Employment Program (CLEEP) pagtapo han kabug-at nga gin-aabat yana nga kakurian han kalibutan.

Sering ni Tango nga an programa nga CLEEP in makakabenipisyo hin yinukot-yukot nga mga namimiling hin trabaho tikang han rehiyon ngan hagrani nga mga lugar.

Yinukot-yukot nga mga inadlaw nga magparabuhi ha syudad han General Santos ngan hagrani nga mga lugar in nagkahuhukasan han ira tagsa-tagsa nga mga trabaho ha turotemprano yana nga tuig mahitungod hit gin-aabat yana nga krisis pan-ekonomiya.

Nahitutuman an kanan gobyerno pag-implimentar han CLEEP pagpahurohumok hit kabug-at hit krisis pan-ekonomiya nga gin-aabat ha pagkayana, maski antis ini abaton ha iba nga parti han nasud, sering ni Tango.

"Ini an kanan gobyerno padayon nga paghatag hin oportunidad parti pangimpleyuhan ngadto han bag-o nga mga nagpakatapos, ngan han mga Pilipino nga nagkawawarayan trabaho ha langyaw," sering ni Tango.

Sering ni Alkalde Miguel nga an Pangulo in maatinder han pag-abri han jobs fair ngan mangunguna han pagdistribwer han scholarship coupons ngadto han mga malinampuson ngan kualipikado nga mga benipesario han kanan flagship PGMA Training for Work Scholarship Program han Technical Education Skills and Development Authority (TESDA).

Dugang pa ni Miguel, an Pangulo in nagbibinisita na han Koronadal ngan South Cotabato ha mga nakalabay, pero an iya kanan Byernes nga pagbisita in magigin makasaysayan "tungod nga hiya an mangungulo han commemoration han aton independence."

"Dako it amon pagpasalamat ngadto han Pangulo nga ginpili an Koronadal nga lugar kun diin paghihimuon an kanan nasud commemoration han aton independence," sering ni Miguel.

An mga militar ngan han mga myembro han batak han balaud in andam na para han mga pitad para han mga seguridad mga nanhihidabihan nga magmalinampuson an pagsaurog han Philippine Independence Day. (PIA8/maa) [top]

|«  prev  next  »|
DAILY NEWS LIST:
»BIR padlocks 4 Davao establishments
»DepEd-XI to train teachers and workforce for WATCH program
»Catbalogan folks anxiously await SC decision on citihood
»An Waray party list sponsors sports for 40 something
»DSWD cautions authorities on handling minors in armed conflict
»Commentary: Political noise, rallies will not resolve RP's concerns
»Cebuano News: DOH magsugod na sa mitigation activities subay sa tambag sa WHO expert
»Cebuano News: Walay hulga sa seguridad gumikan sa isyu sa Con-Ass - AFP
»Waray-Waray News: Waray daw peligro ha seguridad dara han isyu ha Con Ass - AFP
»Feature: Dengue is deadlier than AH1N1 virus
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines