Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 15 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/11

Waray-Waray News: PGMA diri manginginlabot ha Kongreso bahin hiton Cha-cha

Manila (11 June) -- Diri manginginlabot hi Pangulo Gloria Macapagal-Arroyo ngan hangyo-on an iya mga kaalyado ha Kamara de Representantes nga umundang na pagduso han Cha-cha, nga nagdurot na naman hin mga pagduda nga nagplaplano hiya nga magpabilin ha poder lahos pa hiton 2010, sering ni Presidential Adviser on Political Affairs Secretary Gabriel Claudio.

Palisiya han Pangulo nga diri manginlabot ha Kongreso bahin hiton pag-amyendar han Konstitusyon, pahayag ni Claudio.

Bisan pa daw hiton kan Mrs. Arroyo dayag nga suporta para hin mga reporma ha Konstitusyon nga gintikangan niya hadto pa han tuig 2004, ginsaad han Pangulo nga diri hiya magdidikta ha Kongreso kon paonan-o ngan kon san-o angay pagtikangan han mga magbabalaud an paghiruhimangraw mahiunong hiton pag-amyendar han Konstitusyon, sering ni Claudio.

Ginpatin-aw ni Claudio nga diri karuyag han Pangulo nga paghiruhimangrawan an Cha-cha durante hin mga miting ha iya Gabinete ngan ha mga miembro han partido-Lakas.

Gintahapan hi Mrs. Arroyo han iya mga kritiko nga amo an utak pagduso han Cha-cha ha Kamara de Representantes, partikular na an pag-aprobare han House Resolution 1109 nga naghihingita para hin usa nga constituent assembly nga amo an magtratratar hin ginproproponer nga mga amyenda ha konstitusyon.

Hadton Miyerkules, nagdumara hin rally kuntra han Charter Change ha syudad han Makati agud mapanmati-an an ngatanan nga ponto de bista kataliwan maaprobare an Resolution 1109 nga naghahatag hin gahom ha kongreso nga mahi-organisar ngadto hin usa nga Constituent Assembly (Con-ass) para amyendaran an Konstitusyon han 1987.

Dida hin usa nga media briefing kakulop ha Malacaņang, nagsering hi Cabinet Secretary Silvestre Bello III nga an mao nga rally en katungod han ngatanan para mahimyang nga magtitirok ngan igpagawas an ira mga arungot kuntra han Con-ass.

Sigun kan Bello, libre an oposisyon pagdumara hin rally basta pagbuhaton nira ini ha mahimyang nga paagi nga diri maisasakripisyo an kaupayan han ngatanan.

Gintagan hin duon ni Bello nga an pag-organisar han Con-ass en usa nga independente nga gi-os han Kongreso kon diin an katuyo-anan hini en angay ig-eksplikar ngadto han katawhan.

Komo katupong nga sanga han gobyerno, ginrerespetaran daw han Malacaņang an desisyon han Kongreso. Sigurado hi Bello nga han ighurma han Kongreso an Resolution 1109, may-ada mga hinungdan kon kay-ano nga gin-aprobaran ini nga resolusyon. Ngan sigurado gihapon hiya nga ma-eeksplikar ini han Kongreso ngadto ha mga katawhan.

Bisan kon ha pagkita han Malacaņang waray na panahon ha pagkayana pagdumara hin Con-ass, diri daw madidiktahan hini an Kongreso komo independente nga sanga han gobyerno.

Sigun pa kan Bello, naghihimo han ira kalugaringon nga mga desisyon an Kongreso. Salit kon ano an ira inaabat nga makakaupay hiton nasud, libre hira hin pagbuhat hito. (PIA-Eastern Samar) [top]

|«  prev  next  »|
DAILY NEWS LIST:
»DPWH actively participates in Kalayaan Jobs Fair
»Jobs and Livelihood Fair opens on June 12-14
»BIR urges businesses to pay right tax
»Joint House committee on Mindanao, gov't enterprise okay MinDa Bill
»Coco gab set in Mati
»18,000 jobs up for grab on June 12 job fair
»DOLE eyes higher on-the-spot hirings in jobs fair
»Troops capture NPA, overrun camp, recover firearms
»Military slams soldier for robbery
»Pag-IBIG offers special loan for displaced workers at Davao jobs fair
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines