Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/19

Waray-Waray News: PGMA gin-aghat an mga negosyante nga Hapones nga manmuhonan pa ha Pilipinas

Tokyo, Japan (19 June) -- Gin-aghat ni Pangulo Gloria Macapagal-Arroyo an mga negosyante nga Hapones nga manmuhonan pa ha nasud komo nga an Pilipinas amo an ira mahinungdanon nga kasugbong ha pagpapatuman hin kauswagan, partikular na dida hiton implementasyon han Japan-Philippines Economic Partnership Agreement (JPEPA).

Ginpahayag ini han Pangulo dida han iya miting ngada han executive committee han Japan Chamber of Commerce and Industry (JCCI) hadton Huwebes (Hunyo 18) han kulop didto han Sky Room han Tokyo Chamber of Commerce and Industry building.

Tungod han JPEPA, labaw pa nga magigin maupay an relasyon han Pilipinas ngan Japan kon diin nagin maupay na ini tikang pa han administrasyon han iya amay, an anay Pangulo Diosdado Macapagal tikang han 1961-65.

Sigun han Pangulo, ika-pito na ini niya nga pagbisita ha Japan tikang hiya magin Presidente hadton 2001. Ginhimo niya an iya primero nga working visit ha Japan hadton Septiyembre 2001 nga ginsundan hin usa nga state visit han Disyembre 2002.

Nakikighimangraw hiya hiton mga opisyales han gobyerno han Japan ngan han mga lider ha natad han pannegosyohan tungod han mahinungdanon nga benepisyo nga makakab-ot tikang han syahan pa gud la nga bilateral trade agreement han Japan ngan Pilipinas, sering niya.

Sigun han Pangulo, hadton Mayo, an syahan nga grupo hin Pinoy nga mga nurse ngan caregivers nga ginkukumpwesto hin 283 ka tawo an nagtikang pag-aram han Hinapon nga yinaknan ilarum han gintarangdo-an ha JPEPA.

Gintagan hin duon han Pangulo nga en kaangayan nga mga reporma ha ekonomiya ngan ha pananalapi an nahipatuman na ha Pilipinas salit nakahikay hin bag-o nga mga buhis nga gin-gamit ha pagtukod hin maiha na unta nga nahimo nga mga imprastraktura nga nagin dalan para magin mabakod an panmuhonan.

Labot han domestic market, nagsering an Pangulo nga may-ada 68 nga economic zones ngan technology parks an Pilipinas nga naghahatag hin insentibo nan komportable nga pagnenegosyo.

May-ada an Pilipinas mga magtratrabaho nga maaram magyakan hin iningles, mga edukado ngan masayon panagtutdo-an, sering han Pangulo.

Ginpahayag han Pangulo nga an mga kompaniya nga magnenegosyo yana ha Pilipinas amo an gipriprimerohi nga makakaangkon hin bag-o nga mga oportunidad ngan mag-aani hin damo nga mga benepisyo ilabi hini yana nga panahon kon diin nagpapakita na hin mga indikasyon nga nakakabawi na an mga merkado internasyonal. (PIA-Eastern Samar) [top]

|«  prev  next  »|
DAILY NEWS LIST:
»CSC bares results of March 29, 2009 civil service exam
»CSC XI officially launches its Citizens Charter
»JAS, now a 4Ps community
»DOST-PAGASA observes TFAW
»Feature: Race against time on World Population Day
»JICA funds one project per cluster industry
»Davao youth TV reporters tackle bullying in schools
»Region 8 welcomes giant investor in Tacloban
»NSCB announces 1st NSM Media Awards
»656 jobseekers hired on spot during Freedom Day jobs fair
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines