Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/19

Waray-Waray News: Opisyal han Palasyo nagpagawas han mga bintaha han mga biyahe ha langyaw ni PGMA

Manila (19 June) -- Hi Deputy Presidential Spokesman for Economic Affairs Gary Olivar nagpagawas dida han Biyernes han mga bintaha han mga gastos han mga biyahe ha langyaw ni Pangulo Gloria Macapagal-Arroyo ngan han iya deligasyon. Sering niya nga ini nga mga gastos in gutiay kun ikukumpara hiton makukuha nga mga pulos parti mga pakabuhi, ngan iba pa nga mga benipisyo nga nakuha tikang han mga ginkasarabutan parti pan-ekonomiya kun diin natititima maupay nga sarusarabot dida hin mga pagbibisita hit Pangulo ha langyaw.

Ini in nagin reaksyon ni Olivar matapos akusahan han United Opposition (UNO) tagapagyakan nga hi Ernesto Maceda nga nagsering nga padayon nga gingiginamit hit Malacanang ngan hit iya mga kaurosa it kwarta hit mga tawo para la hit ira puroparayaw nga biyahi nga pinapagawas nga kunyari opisyal.

Gindig-unan ni Olivar nga an mga biyahe han Pangulo ha langyaw in mga importante ngan nagdadara hin kaupayan kay kaurugan hini in nakakakuha hin mga kapitalista para hin mga pakabuhi ngan mga ginkakasarusarabutan nga mga negosyo nga igpupundar nga maghahatag hin mga benipisyo para han nasud ngan han mga Pilipino pinaagi hin mga opurtunidad o higayon parti pantrabahuan.

Ginhimo niya nga ehemplo an kanan Chief Executive opisyal nga biyahe ngadto ha Republic of Korea ngan han Russian Federation tikang dida han Mayo 31 ngadto ha Hunyo 6, 2009, kun diin an Pangulo in nakakuha hin US$2.2-billion nga kantidad para pagpundar hin mga pakabuhi nga ginkasarusarabutan para han nasud.

Ini nga ginkasarusarabutan nga mga proyekto kun diin magpupundar hin capital tikang han South Korean nga mga negosyante in parti agrikultura, enerhiya, turismo ngan inprastractura. Ha luyo nga bahin, an maiha na nga ginpipinamulat nga pag-abri hin deretso nga mga biyahe hin eroplano ha butnga han Pilipinas ngan Russia in ginkasarabutan na han mga lideres han duha nga mga nasud dida han pagbisita ni Pangulo Arroyo ha Moscow.

Dida han US$2.2 billion nga kantidad han ginpundar, $12.97 million in gagastuhon para pagtindog hin rice processing complex ha Luzon, nga kakapitalan hit Korean International Cooperation Agency (KOICA), ngan $150 million tikang han Export-Import Bank of Korea (KEXIM) nga gagamiton para han wind and alternative power nga mga proyekto ha Pilipinas.

An iba pa nga mga investment commitments in naguupod han Korean firms Eco Solution Co. Ltd. Ngan Enviro Plasma Ltd. nga nagpatapod pagpundar hin US$475 million para hin alternative fuel nga mga proyekto ha nasud; Eco Solution ngan han iya kausa, Eco Global Bio-Oils Inc., in magkakapital hin US$175 million para hin jatropha plantation nga proyekto ha South Cotabato ha masunod nga tulo katuig; Enviro Plasma ngan hit iya lokal nga kabakas, Central Luzon Bioenergy Corp., in magpupundar hin US$300 million para hin sugar bioethanol plant ha Clark, Pampanga, nga kaya magpagawas hin 500,000 ka litro hin bioethanol kada adlaw; US$1.521 million "tourism package" tikang han kanan Korea M Castle Corporation para magtindog hin resort ha Subic; US$500 million para hin iba-iba nga mga proyekto parti agrikultura, upod hin US$14.9 million o P700 million tikang ha KOICA pagpadarudako han Molinao Dam ha Bohol; US$515 million para pagtindog hin usa nga hotel ngan golf course ha Clark Pampanga; US$6.52 million para hin bag-o nga mga proyekto parti agrikultura; US$49 million nga proyekto parti lubi ngan US$290 million hin tinuig nga production tikang ha Hanjin Philippines Inc.'s ship component production nga pasilidad ha Subic.

Dugang pa ni Olivar nga dida han di pala maiha nga pagbisita han Pangulo ha Syria ngan Egypt, nakuha niya an suporta han duha nga mga nasud para han kanan Pilipinas bid for observer status dida hit Organization of Islamic Conference (OIC), pagpakurokusog hit kanan gobyerno higayon nga makuha an timus nga kamurayawan ha Mindanao. (PIA8/maa) [top]

|«  prev  next  »|
DAILY NEWS LIST:
»CSC bares results of March 29, 2009 civil service exam
»CSC XI officially launches its Citizens Charter
»JAS, now a 4Ps community
»DOST-PAGASA observes TFAW
»Feature: Race against time on World Population Day
»JICA funds one project per cluster industry
»Davao youth TV reporters tackle bullying in schools
»Region 8 welcomes giant investor in Tacloban
»NSCB announces 1st NSM Media Awards
»656 jobseekers hired on spot during Freedom Day jobs fair
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines