Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 15 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/22

Waray-Waray News: "Task Force on H1N1 in the Workplace" ginlarang para mapudngan an impeksyon ha mga trabaho-an

Manila (22 June) -- Ginlarang han Department of Labor and Employment (DOLE) hadton Biyernes an "Task Force on H1N1 in the Workplace" agud mapudngan an pagkalyap pa han mga kaso hin A/H1N1 ha nasud. Ini en ha butnga han pagtikadamo han mga natataponan hini nga sakit.

Sigun kan Labor and employment Secretary Marianito D. Roque, tututokan han task force an implementasyon han DOLE Administrative Order No. 199, series of 2009 ha mga panarabaho-an.

Panawagan han DOLE ha mga employer nga regular tagan hin impormasyon an ira mga empleyado mahiunong han H1N1lakip na an hinungdan hini, resulta han sakit ngan mga alternatibo nga mga pagtambal.

Ginpapahinumduman gihapon an mga kompaniya nga ha regular maglimpyo ha mga opisina ngan sigurado-on nga abelable pirme en tubig ha mga panhugasan ngan mga kasilyas.

Gin-aawhag gihapon hira nga magtudlok hin panguna nga mga tawo nga amo an matutok ngan magsisiguro nga maipatuman gud an mga pitad kontra han H1N1.

Sumala han mga otoridad ha panlawas han nasud, may-ada nakumpirmar nga 33 nga bag-o nga mga kaso han Influenza A/H1N1 hadton Biyernes. Kon sugad, naabot na hin 344 an kabug-osan nga kaso hin A/H1N1 ha Pilipinas.

Iginpahayag ni Roque, basado hin report tikang kan Undersecretary Lourdes Trasmonte, nga mahugot nga makikigsumpayan an task force ha labor ngan employers groups sugad man ngadto han iba nga mga ahensya han gobyerno hiton pagpapadangat hin mga impormasyon mahiunong han H1N1 ha ngatanan nga mga panarabaho-an lakip na en mga impormasyon o isyu maypaghisumpay han tinatawag nga occupational safety and health (OSH) ngan general labor standards(GLS).

Nagsering hiya nga nagtikang na pagdumara an OSHC hin mga paghag-in bahin han H1N1 ha koordinasyon han Employers Confederation of the Philippines, People Management of the Philippines, Philippine Chamber of Commerce and Industries, Trade Union Congress of the Philippines, Federation of Free Workers, Trade Union of the Philippines and Allied Services nga iba pa nga mga natutungdan.

Nagpahayag pa hiya nga an BWC naman an maghahatag hin mga impormasyon bahin han GLS partikular na an parte han pagtagad hiton leave of absence hin usa nga empleyado nga ginsagdonan nga pumirme la anay ha ira balay o kon ginkwarintina maypaghisumpay han H1N1.

Puede kuha-on an leave credits han usa nga empleyado dida han iya tinuig nga sick o vacation leave ilarum han palisiya han kompaniya o kon sigun han igintatagana han CBA.

Kon ubos na an leave credits han empleyado, puede igkonsiderar an paghatag ha iya hin leave of absence without pay.

Ginhangyo ni Roque ha mga agaron nga magin mahunahuna-on ngan magin mapina-iron ha paghatag hin kadugangan nga leave with pay ngadto hin mga magtratrabaho nga gintatahapan o kon diri man impektado na han H1N1.

Samtang, an mga magtratrabaho ha natad ha panlawas, mahapanpubliko man o pribado nga nagkasakit han H1N1 en makakapahimulos hin P150,000 nga PhilHealth hospitalization benefit, labot hin iba pa nga mga benepisyo ha panlawas nga iginhahatag han kompaniya.

Adton mga empleyado naman, lakip na ira dependents, nga diri aada ha natad ha panlawas sugad han managers, call center agents, mga magturotdo, clerks, ngan iba pa, nga nagkasakit hin H1N1 en makakapahimulos hin P75,000 nga PhilHealth hospital benefits.

An usa nga empleyado nga nagkaada hin H1N1 konektado han iya trabaho en puede makapahimulos hin mga benepisyo ilarum han SSS ngan han employees compensation benefits sugad nga igindedikta han PD 626 o kon an ECC nga balaud. (PIA-Eastern Samar) [top]

|«  prev  next  »|
DAILY NEWS LIST:
»Expansion areas for jatropha production pushed
»Sarangani puts up blood donation drive for Maasim blast victims
»Spare civilians, Sarangani gov appeals
»Tagalog News: Green Camp 2009, isinagawa
»Tagalog News: Batangas at Conservation International lumagda sa kasunduan
»Tagalog News: 111th Independence Day, ipinagdiwang sa Batangas
»DSWD awards capital assistance to 158 families in Calabarzon
»Tagalog News: Loan programs ng pamahalaan, dagdag tulong sa kabuhayan
»Tagalog News: Tiyaga at determinasyon, puhunan sa pagtatayo ng negosyo
»Commentary: Young leaders
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines