Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/24

Waray-Waray News: Biyahe ni PGMA ha langyaw, pagbibiling hin mga solusyon han mga problema ha nasud Remonde

Manila (24 June) -- Ginpahayag ni Press Secretary Cerge Remonde kakulop nga an mga pagbiyahe ni Pangulo Gloria Macapagal-Arroyo ha langyaw en kaparte han iya pagbibiling hin mga solusyon ngada han mga problema han nasud sugad han ka waray trabaho, ngan pagpapadukwag han ekonomiya.

Dida hin usa nga pamakiana ha radyo kakulop han aga, nagsering hi Remonde nga an mga biyahe han Pangulo en diri agud likayan an mga problema nga gin-aatubang ha pagkayana han nasud sugad nga gin-aakusar ha iya han iya mga kritiko, kondi lugod pag-aataman han mga ginkikinahanglan han nasud.

Gintagan hin duon ni Remonde nga angay masantop han ngatanan nga diri la an Pangulo an nasisingadto ha iba nga mga nasud, kondi ngatanan nga mga lideres han haros ngatanan nga mga nasud ha kalibutan, lakip na an ASEAN.

Sigun han mga report, ginhingadayan ni Senador Panfilo Lacson nga masubra na P1-bilyon an naggastos han Pangulo ha pagbiyahe ha gawas han nasud, lakip na an pira nga mga representante ngan mga senador.

Nagsering hi Remonde nga an biyahe han Pangulo en agud magkaada hin higayon ha komersyo ngan kauswagan ngan matagan hin trabaho an katawhan Pilipino. Dako daw nga butang an nahimo na han Pangulo agud malahosan han nasud an krisis ha kalibutan.

Pinanhimuwa gihapon ni Remonde an ginpahayag ni Lacson nga P800-milyon an nagagastos kada tuig dida hiton biyahe han Pangulo. An opisyal nga delegasyon han Pangulo en ginkukomponer han Pangulo ngan pinili nga mga kaapi han Gabinete ngan ha kasagaran naabot la ini hin 10 ngada hin 15 ka tawo.

Kon may-ada man kaupod nga senador o kongresista, ginrerepresentaran hini nira an ira tagsa nga mga komitiba panlehislatura. An iba nga kaupod en diri gin-gagastosan han Malakanyang kondi han ira tagsa-tagsa mga buhatan, sering ni Remonde.

Iginpahayag pa ni Remonde nga an benepisyo nga nadadara han Pangulo tikang hiton iya mga biyahe ha langyaw en labaw ka dako nga kantidad kumparar han gastos han pagbiyahe sugad nala han ha Japan kon diin nakakuha hiya hin $500-milyon nga official development assistance, labot pa hin mga katarangdo-an ngada hin pribado nga mga sektor hin mga Hapones nga manmumuhunan ha Pilipinas.

Nakakuha gihapon an Pangulo hin mga panarabaho-an para hin mga nurse, caregivers ngan iba pa nga mga propesyonal ha Japan.

Iginpatapod ni Remonde nga an biyahe han Pangulo en opisyal ngan working visits, diri usa nga pagli-awlibang ngan bakasyon.

Ha kamatuoran, sering ni Remonde, kapoykapoyan na hira pagkatapos han biyahe tungod hiton kadamo nga opisyal nga mga aktibidades nga ginbubuhat.

Makakatestigos daw hini an mga kaupod nga mga representante han media hiton tambak nga buruhaton ngan kaapurado pirme nga gi-os dida hiton mga biyahe han Pangulo, pahayag pa ni Remonde. (PIA-Eastern Samar) [top]

|«  prev  next  »|
DAILY NEWS LIST:
»Laak ARC cited most progressive in Mindanao
»UP admission test set Aug. 1-2; deadline for applications June 30
»LGUs raise alarm against pseudo-environmentalists
»Antipoverty program to maximize agri-tech for small farmers
»SMI joins celebration of Tampakan Day
»Feature: Davao Oriental saves the world with 1M trees
»Virtual library eyed for Davao Region
»Party-list groups back MinDA bill
»Davao dad mulls new odd-even scheme
»Regional Center for disabled trains 100 a year
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines