Presidential Communications Operations Office



  PIA Bldg, Visayas Ave, Diliman, Quezon City, Philippines
  Wednesday, 23 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/24

Waray-Waray News: Gobyerno han Pilipinas nakakuha hin USD500 million nga bulig tikang ha Japan Remonde

Manila (24 June) -- An gobyerno han Pilipinas in nakakuha hin development assistance nga nakantidad hin USD 500 million tikang ha gobyerno han Japan matapos an malinampuson nga upat ka-adlaw nga pagbisita ni Pangulo Gloria Macapagal-Arroyo ha Japan nga nahuman dida han Sabado, sering ni Press Secretary Cerge Remonde kakulop han aga.

Sering ni Remonde ha estasyon DYXL nga dugang pa hini, nga damo pa an mga ginkasarabutan ngan ginpirmahan ha butnga han Pangulo ngan han pribado nga sektor han Japan dida hini nga iya biyahe, upod an Japan-Philippine Economic Partnership Agreement (JPEPA).

"Ginsisiguro ko nga an Pangulo in nagkaada hin mahinungdanon nga biyahe ha Japan mahitungod nga ini in opisyal ngan usa nga biyahe parti trabaho. Diri ini usa nga biyahe hin parti bakasyon. Samtang, bali iyo Press Secretary, guol na ako hin duro tungod hit kadamo hit trabaho," sering ni Remonde nga adto na yana ha Brazil kaupod han Pangulo.

An Press Secretary in nag-react tungod han kan Senador Panfilo Lacson akusasyon nga masobra P1 billion an nagasto han kanan Pangulo biyahe ha langyaw diin kaupod pa niya an kanan administrasyon mga magbaralaud, nga nakadugang ha ka magasto han biyahe.

An akusasyon ni Senador Lacson in waray kamatouran. An Pangulo in kinahanglan mangaro hin ayuda tikang ha iba nga mga nasud para magkaada hin mga oportunidad para pagpauswag han aton nasud ngan para magpakatrabaho an aton mga overseas Filipino Workers (OFWs). Ginbubuligan kita niya nga mabuhi ngan magmakurokusog it aton ekonomiya ha luyo hit gin-aatubang yana nga krisis pan-ekonomiya ha bug-os nga kalibutan," sering ni Remonde.

"Kinahanglan maintindihan ni Senador Lacson it nanhihitabo dinhi ha aton nasud ngan hit iba pa nga parti hit kalibutan. Amo ini nga kinahanglan hit Pangulo nga magin mas aktibo para ha interes hit pagpa-uswag hit nasud," sering pa ni Remonde."Dugang pa hini, pinaagi kan Gng. Arroyo nagkaada hin mga opurtunidad parti pantrabahuan lab-I na gud ngadto han mga nurses, caregivers ngan iba pa nga mga professional na Pilipino ha Japan," dugang pa ni Remonde.

Gin-ngaranan gihapon ni Remonde an ginkasarabutan ha butnga han Pilipinas ngan han Japan Bank for International Cooperation (JBIC) kun diin nagpirmahay hin memorandum of understanding (MOU) han kanan Pilipinas plano hin pag-isyu hin mabalor billones nga samurai bonds.

"An sinurat nga ginkasarabutan in ginpirmahan ni Finance Secretary Margarito Teves ngan han Pangulo ha JBIC ngan ni Hiroshi Natabe han CEO didto ha Imperial Hotel ha Tokyo," sering ni Remonde.

Ha ilarum han MOU, an JBIC in magarantiya hin USD 1 billion han samurai nga pundo nga ig-iisyu hit Pilipinas pagtapar hit kakulangan nga budget ngan paghapin han epekto han kanan kalibutan krisis.

An yen-denominated bonds in ipapagawas ha Japanese Financial markets hin usa nga langyawanon nga gobyerno o kumpaniya.

Nagsering gihapon hi Remonde nga nagpatapod an Pangulo nga an una nga hugpo han mga Pilipino nga nurses nga naka-enroll ha Japanese language training center dinhi nga mas damo nga mga Pilipino nurses dinhi in igpapadara ha Japan ha ilarum han Japan-Philippines Economic Partnership Agreement (JPEPA).

"An mga Pilipino nga nurses an una nga nagpakabenipisyo han implimentasyon han JPEPA nga nagin epektibo dida han Disyembre. Dida han iya pagbisita ha Association for Overseas Technical Scholarship (AOTS) Language Training Facility ha Tokyo, gindayaw han Pangulo an mga pili nga nurses nga gintawag niya nga "cream of the crop" mahuman ipadara nganhi para han libre nga scholarship training," sering ni Remonde.

Dida han 93 nga mga Pilipino nga nurses nga ginpadara ha Japan, 39 in naagi yana hin paghag-id ha Tokyo ngan 54 ha Kansai. An mga nurse in ha pagkayana ginhahag-id hin linguwahe nga Nihonggo, usa nga ginkikinahanglan antis mapadara ha iba-iba nga ospital didto.

Kahuman hit ira unom kabulan nga paghag-id, nga nagtikang dida han Mayo 11, an mga Pilipino nga nurse in kinahanglan kumuha ngan makapasar han Japaneses board examination antis hira in pormal nga makatikang pagtrabaho didto. (PIA8/maa) [top]

|«  prev  next  »|
DAILY NEWS LIST:
»Laak ARC cited most progressive in Mindanao
»UP admission test set Aug. 1-2; deadline for applications June 30
»LGUs raise alarm against pseudo-environmentalists
»Antipoverty program to maximize agri-tech for small farmers
»SMI joins celebration of Tampakan Day
»Feature: Davao Oriental saves the world with 1M trees
»Virtual library eyed for Davao Region
»Party-list groups back MinDA bill
»Davao dad mulls new odd-even scheme
»Regional Center for disabled trains 100 a year
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines