Presidential Communications Operations Office



  PIA Bldg, Visayas Ave, Diliman, Quezon City, Philippines
  Sunday, 20 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/25

Waray-Waray News: PGMA malipayon nga gintapo ha Brasilia

Brasilia, Brazil (25 June) -- Inabot ha Brasilia Military Airbase an Pangulo Gloria Macapagal-Arroyo kakulop nga kaparte han upat ka adlaw nga state visit ngadto hin tulo nga mga syudad han nasud nga ginkikila komo ika-10 nga pinakadako nga ekonomiya han kalibutan agud pabaskogon pa an 49 anyos nga relasyones diplomatiko ngan kooperasyon ha butnga han duha nga nasud.

Sakay an Pangulo han chartered flight han Philippine Air Lines tikang ha Recife City kon diin gintikangan an iya state visit ha Brazil nga gintalaan Hunyo 22 tubtob 26.

Paglusad gud niya tikang han eroplano, gintagan an Pangulo hin full military honors, lakip na en usa nga 21-gun salute han Brasilia honor guards nga nagpakasul-ot hin tradisyonal nga uniporme nga gin-gagamit ha pagtapo hin mga lider han gobyerno hin iba nga mga nasud.

Gintapo an Pangulo ni Minister for Institutional Security General Jorge Armando Felix komo Minister-in-Attendance ngan han hepe han Brasilia Protocol tikang ha Itamaraty (Ministry of External Relations) Embahador George Prata.

Kaupod han Pangulo hi First Gentleman Jose Miguel Arroyo ngan hira Agriculture Secretary Arthur Yap, Trade Secretary Peter Favila, Press Secretary Cerge Remonde, Foreign Secretary Alberto Romulo, ngan Energy Secretary Angelo Reyes.

Kataliwan mahikit-an an makarit nga pagmartsa han militar han Brasilia, nasingadto an Pangulo ngan han iya mga kaupod ha Salao Presidencial (Presidential Lounge) kon diin pumirma an Pangulo han Presidential Guest Book.

Dinmiretso hiya pagkatapos hini ha Brasilia Alvorada Park Hotel, nga amo an iya opisyal nga magigin urokyan durante han iya estada, ngan nakighimangraw ha mga Pilipino nga nagkaabot para personal nga makita an Pangulo.

Sigun han Embahada han Pilipinas ha Brasilia, tubtob han Disyembre 31, 2008, naabot na hin 379 an mga Pinoy nga nag-uukoy ha Brazil. Hini nga kadamuon, 98 an misyonero, 20 an mandaragat nga permanente na nga nag-uukoy ha mga port cities han Brazil. An iba nga mga Pilipino ha Brazil en mga negosyante, mga entrepreneurs, mga kabulig ha panimalay, mga estudyante, ngan mga nagtratrabaho ha oil drilling ngan iba pa nga mga transnational nga mga kompaniya.

Nakiglamano an Pangulo, nagpakuha hin mga retrato ngan pinanmati-an an mga eksperyensya hin 50 nga OFWs nga nagdesider nga himuon an Brazil, partikular na an Brailia, nga ika-duha nga puroy-anan.

Pinakasentro daw han mao nga pagbisita han Pangulo ha Brazil sigun kan Press Secretary Remonde, an pagpirma hin unom nga memoranda of understanding (MOUs) ha butnga han duha nga mga nasud ha patag han agrikultura ngan bio-energy nga magpapabakod ngan magpapa-uruupay han sumpayan han Pilipinas ngan han mga negosyante han Brazil. (PIA-Eastern Samar) [top]

|«  prev  next  »|
DAILY NEWS LIST:
»Congressman 'Way Kurat' rates DSWD 99.99 percent
»Mindanao Trade Expo to stage comeback this year
»Bizmen see more stable business climate in Davao Region
»ADDU to hold campaign finance forum
»Feature: Road signs prevent accidents
»Mulanay community energized thru Makamasang Tugon
»DSWD launches ECCD program in Lucena City
»The mud-dening of Sto Nino Catbalogan
»Fishing vessel rescues two-brother fishermen
»Cebuano News: ISO certification nakapahimo sa PSALM nga sama sa world-class corporations
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines