Presidential Communications Operations Office



  PIA Bldg, Visayas Ave, Diliman, Quezon City, Philippines
  Tuesday, 22 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/26

Waray-Waray News: Ginpasalamatan han Pangulo an mga marinero han ira kuntribusyon ha ekonomiya han Republika han Pilipinas

Suape, Pernambuco, Brazil (26 June) -- Ginpasalamatan ni Pangulo Gloria Macapagal-Arroyo dida han Martes, Hunyo 23 an mga overseas Filipino Workers (OFWs) han ira kuntribusyon ha ekonomiya han Pilipinas, lab-i na ha yana nga panahon nga gin-aabat en krisis pan-ekonomiya ha bug-os nga kalibutan.

Ginpadangat han Pangulo an iya pagpasalamat ngadto han napulo nga mga mariner nga nagtratrabaho ha Hapag Lloyd kun diin tikadto hira ha Sao Paolo ha Brazil tikang ha Canada.

An mga Pilipino nga mariner in humapit anay ngadto han bag-o pala nga ginpahaluag nga Tecon Suape Container Yard nga gintataiyahan han Pilipino nga International Container Terminal Services, Inc. (ICTS I) dida han syudad han Recife.

Gin-inaguraran han Pangulo an ginpahaluag nga container yard antes hiya lumakat para ha Brazilia han ika-duha nga parti ha iya upat ka-adlaw nga pagbisita han tulo nga syudad ngadto ha Federal Republic of Brazil.

Pagklaro han importansya han kanan Pangulo mga biyahe, hi Press Secretary Cerge Remonde in nagsering ha turotemprano nga an panuyo han iya mga biyahe ha langyaw in para pagtalinguha para han kaupayan ngan intereses han mga Pilipino nga magtratrabaho ha langyaw.

"Importante ngan kinahanglanon nga magin aktibo an aton Pangulo ha mga burohaton o mga karigodigo ha langyaw para makakuha hin mga opurtunidad para matagan hin trabaho an mga Pilipino ha langyaw, para ipasamwak part pan-negosyuhan, ngan para makakuha hin bulig para pagpauro-upay hiton Pilipinas," sering ni Remonde.

An Pangulo in pirmi may oras para makigkirigta o makig-urosa hi mga myembro han kanan Pilipino community didto ha mga nasud nga iya ginbibisita para mamati hi ira mga panginahanglan.

An mga remittances hin maabot siyam ka milyon nga magtratrabaho ha iba-iba nga parti han kalibutan in umabot na hin 13.7 ka pursyento of $16.24 ka bilyon tikang ha turotemprano hin usa ka tuig.

Sering han Bangko Sentral han Pilipinas nga padayon nga pagsulod han OFW nga remittances en padayon pagpadalagan han consume ngan pagtubo.

Didto ha Tecon Suape, nagunveil an Pangulo hin marker pagpahinumdum han iya pagbisita ha Pernambuco ngan ngadto ha Brazil bali pinaka-una nga Pangulo han Pilipinas nga bumisita han pinakadako nga South American nga nasud.

An kanan Pangulo pagbisita ha Tecon Suape an iya katapusan nga aktibidad ha Pernambuco, Brazil. Pagkatapos kumadto na an Pangulo ha Brasilia para han seremonyas para han pagbisita han nasud.

An ICTSI en usa nga nangunguna nga developer hin mga international ports ngan mga terminal nga may-ada global port network ha 13 nga mga nasud. An ICTSI nga nakabasi ha Pilipinas en aada na ha iya ika-20 nga pagpadalagan ngan nagpapadayon pagdumara container terminal nga mga proyekto ha iba-iba nga parti han kalibutan. (PIA8/maa) [top]

|«  prev  next  »|
DAILY NEWS LIST:
»Davao City celebrates Arbor Day
»Peace gathering to be held in Davao City
»Davao Norte set to regain human development setback
»"Negosyo, Kaya Mo!" launched
»TWG to lay ground for per-second voice call rate regime
»NSA Gonzales condemns killing of PDSP leader
»Cebuano News: AGR dili makauli sa iyang birthday
»Japan makes possible the construction of birthing facility in Leyte
»Japan-funded Las Navas Bridge enhances economic productivity in Catubig Valley
»Waray-Waray News: Ginpasalamatan han Pangulo an mga marinero han ira kuntribusyon ha ekonomiya han Republika han Pilipinas
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines