Presidential Communications Operations Office



  PIA Bldg, Visayas Ave, Diliman, Quezon City, Philippines
  Saturday, 19 October 2019 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << October 2019 >> 
S M T W T F S
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/06/30

Ilocano News: Palasio, imbinsarna iti kinaimportante iti panakigamulo ni PGMA iti sangalubongan kabayatan iti sangalubongan nga krisis pang-ekonomia

By Jennilyne C. Role

San Fernando City, La Union (30 June) -- Inyunay-unay ti Malacaņangidi Lunes iti importansia para ken President Gloria Macapagal-Arroyo, kas kadagiti dadduma pay nga lideres iti lubong, nga makipartisipar iti sapasap nga sananglubongan nga aktibidades kabayatan iti krisis pang-ekonomia iti sangalubongan.

Dinawat ni Press Secretary Cerge Remonde kadagiti Pilipinos, nangnangruna kadagiti kritiko iti gobierno, nga awatenda nga masapul nga ni Presidente ket "makitabuno iti sangalubongan" kas dalan nga mang-ammo kadagiti karit iti panawen iti pagngata-ngataan nga ekonomia.

Inna inlawag nga saan laeng nga ni Presidente Arroyo, no di ket iti dadduma pay nga lideres inti naduma-duma nga nasion iti agnanayon nga makitabtabuno kadagiti mitings idiay ballasiw-taaw, "gapu ta iti lubong ket nagbalin nga global village".

"Masapul nga talaga iti sangalubongan nga panagpartisipar dagiti lideres tayo ken iti ili tayo," kuna ni Remonde kas inna innayon nga nu saan tayo nga aramiden daytoy, agresulta nga mailaksid tayo, ken dumanon iti punto nga awan iti maited nga benepisyo iti ili tayo.

Minantenar met ni Presidente nga dagiti biahe na iti sabali nga nasion ket nangted iti ad-adu nga benepisyo iti ili tayo ken kadagiti Pilipino.

"Dagitoy nga panagbiahe ni Presidente Arroyo ket ammoyo met nga saan nga panagbakasion ken kapritso. Daytoy ket panagtrabaho," kunana pay.

Imbaga ni Press Secretary nga nalabes diay naireport nga numero iti agpanpanday iti linteg nga simmurot kadagiti biahe ni Presidente.

Inna inlawag nga masapul iti partisipasyon dagiti representante iti naduma-duma nga departamento iti gobierno, nangnagruna nu maipapan iti banag nga pagaramidan iti linteg wenno polisia.

Impakitana nga dagiti agpanpanday iti linteg nga simmurot kadagiti biahe ni Presidente ket "sarili da nga gastos" ket saan nga gastos iti Palasio.

Ibagbaga dagiti oposisyon nga naggasto ni President Arroyo iti nasursurok nga P3 nga bilyon iti biahe na abroad nga nagrugi idi nagtugaw idi 2001, agsobsobra iti pondo nga nakaalokar para iti oposina ti Presidente kada tawen.

Imbaga ni Senator Francisco Escudero nga naggastusin iti Palsio iti agarup nasursurok nga P2 nga bilyon para iti panagbiahe idi 2002-2007 laeng.

Imbaga na nga P408.6 milyon iti naalokar idi 2008, ken P436 a milyon iti pondo ti 2009.

Idi 2007, ti pondo iti panagbiahe ket agarup P300.2 milyon para iti local ken biahe abroad. Dimmakel iti P693 milyon wenno nasursurok nga nadoble ti rumbek/nailentegan nga pondo nasional iti dayta a wawen, kunana pay.

Imbaga pay ni Escudero nga ti 2007 nga gastos iti panagbiahe ket mabalin kuma nga nausar wenno nainayon iti pondo para ti National Kidney and Transplant Institute (227.5 milyon), Lung Center of the Philippine (P221.5 milyon), Philippine Heart Center (P287 milyon) ken ti Philippine Children's Medical Center (P239.5 milyon). (PIA RO1-LU/PNA) [top]

|«  prev  next  »|
DAILY NEWS LIST:
»Massive drivers' education needed to curb road accidents
»Feature: Organic small farmers becoming entrepreneurs
»Feature: From "DH" to managing own business
»Expo to showcase Mindanao fibers
»1ST Family Planning Service Center in Compostela Valley launched
»Pantukan Disaster Preparedness Summit deemed a "big success"
»Davao Oriental launches rural entrepreneurial advocacy
»Sec. Teodoro tells Rotarians to promote rotary values
»Tamiflu only given to AH1N1 patients with complications: DOH
»42nd Araw ng DavNor fetes shared responsibility
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines