Manila (2 July) -- Nagpahayag an Malacanang hin suporta han kanan mga Obispo hingyap nga madayon an "automated election" yana nga 2010 labi na kay ine daw in usa han pinaka importante nga proyekto ni President Gloria Macapagal-Arroyo.

Sumala kan Ermita, obligado na yana an Commission on Election nga igpadayon an "automated election" ngan dire la anay hine nanginginlabot an Malacanang kay ngane, tuhay man daw hadto an "bidding".

Daw pinanawagan ni Msgr. Pedro Quitorio han CBCP an goberno nga ipursige an "poll automation" ug sering ni Ermita, pareho daw an hingyap han Palasyo bahin hine ug nasasabtan daw siguro han mga Obispo an kaimportante hine nga butang, kundi nagsering hi Ermita nga COMELEC an obligado hine ug hira daw in napahinumdum la hine nga dako nga butang.

Sering pa ni Ermita, nagkaestorya daw hira ngan hi COMELEC Chairman Melo ug nagsering ine nga gintagan daw hin plaso an SmaartMatic ug TIM ngada buwas, Biyernes agud tagan hin solusyon an problema. Para hin usa daw nga pribado nga tawo, kun asay naman la, angay daw gud, igsiguro han COMELEC nga madadayon an "automated election".

Pira daw nga mga sector in naghihinimo himo hin mga estorya nga waray kamatooran bahin han problema nga inutbo parte han "automated election" kundi dayon la nagsering hi Ermita nga damo iton paagi pagpadayon hiton election, importante daw nga buhaton ine hin tangkod ug mamurayaw.