Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/07/02

Waray-Waray News: Palasyo nanhimuwa han mga aligasyon nga side-trip ni PGMA ha Barbados

Manila (2 July) -- Pinanhimuwa han Malacanang dida han Martes nga adlaw an mga aligasyon nga hi Pangulo Gloria Macapagal-Arroyo en nagside-trip ha Barbados dida han iya pagkadto ha Brazil han nakalabay nga semana.

Gintawag ni Press Secretary Serge Remonde nga dagko nga mga buwaon ini nga mga nagpasarang nga an Chief Executive ngan han iya delegasyon en nagside-trip ha Barbados ngan may kalabutan hin paghatag hin kuntrata hin usa nga kumpaniya nga nakabasi ha Barbados, nga amo an Smartmatic, para amo an kumapot han automation han 2010 nga pinili-ay.

"Waray sugad hini nga panhitabo nga side-trip ha Barbados. Kun hin-o man ini nga nagpapasarang hini nga mga hurob-hurob en dagko nga mga buwaon," sering ni Remonde.

Sering han Press Secretary nga an Pangulo upod an iya delegasyon en medyo lumiko anay ha Cartagena, Columbia han ira pagtipakadto ha Brazil para hin usa nga technical stop.

Sering niya nga an Pangulo en ginkumbida hin usa nga Pilipino nga negosyante nga hi Jime Augusto Zobel de Ayala, nga an asawa nga hi Misha en residente ha Columbia mentras an eroplano han Pangulo en nakahugdon dida han lugar.

Sering ni Remonde nga an Cartagena en ada ha kaburo-butngaan tikang ha Los Angeles tipakadto ha Brazil.

Dida han turotemprano, nagsering an Pangulo han United Opposition nga amo gihapon an Alkalde han Makati nga hi Jejomar Binay nga an side-trip en nagkaada hin damo nga mga spekulasyon, upod na dinhi an nagsasarang nga estorya nga may posibilidad nga an pagbisita ha Cartagena en may kalabutan hin posible nga business transaction ha Panama, nga ginkukunsiderar nga Switzerland hit Latin America.

Dugang pa ni Binay nga ini nga mga espekulasyon en nasuritan mahitungod han gin-aaligar nga kakulang hin pagklaro ngan nanhisumat nga pag-eebitar hit Malacanang hit isyu.

Pero, nagsering hi Remonde nga an Palasyo en pirmi nagpapasamwak hit mga biyahe han Pangulo ha langyaw, ngan dugang pa niya nga sige an iya pagpinasamwak parti ha side-trip ha Columbia tikang pa dida han una nga semana.

Nagsering gihapon an Press Secretary nga kaparti han black propaganda amo an gin-aaligar nga sige an pagside-trip han Pangulo ha iya mga biyahe ha langyaw para mamiling hin nasud nga waray extradition treaty para didto hiya pumahuway kun hiya lumusad na dida hit 2010.

"Ini en kaparti han mga pagsinamok nga programa han mga kritiko han gobyerno nga natural na nga nanhihitabo ha oras hin State-on-the-Nation (SONA) nga panahon," dugang pa niya. (PIA-8/maa) [top]

|«  prev  next  »|
DAILY NEWS LIST:
»Tagum all set for Binuhat Festival 2009
»Two Davao guvs defend PGMA's foreign trips
»ICT Davao to assist IT-based MSMEs
»Rural road renews farmers' faith in food production
»Davao food safety team assists banana processors
»Crime volume in Central Visayas drops in 1st Qtr '09
»Evardone creates Task Force on Climate Change
»Tanauan PASAKA Festival emerges champion in 2009 Leyte Pintados-Kasadyaan Festival of Festivals
»Secretary Lapus is guest speaker at 49th Southern Leyte anniversary rites
»NGCP restores Feria-damaged transmission lines in Samar Island
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines