Waray-Waray News: Hangyu ni PGMA sa mga nangunguna nga mga estudyante: Bulige an gobyerno nga makabawi san ekonomiya pannasyonal
Ni Nene A. Manzanares
Manila (6 July) -- Naghangyu si Presidente Gloria Macapagal Arroyo sa mga nangunguna nga mga estudyante san nasud san naglabay nga Huebes nga buligan an gobyerno nga makab-ot an national economic recovery san nasud sa butnga san pag ato san nasud san krisis panekonomiya sa kalibutan.
Sa kanya pahayag nga ginbasa ni Executive Secretary Eduardo Ermita durante sa awarding ceremonies san 2009 Ten Outstanding Students of the Philippines (TOSP) sa Risal Hall sa Malakanyang, nagsugad an Presidente nga kanya ginlansar an National Youth Service Corps agud makahatag si mga trabaho ngan mga oportunidad para san mga batan-on nga mga Filipino sulod sa edad 18 ngastu 24 anyos.
Sugad san Presidente nga kanra ginseseguro nga an mga batan-on nga mga Filipino in magkayaun positibo nga amot sa nasud ngan sa kanra mga kalugaringon. Naglalaum siya nga an 10 outstanding students in makakabulig pagkoordinar sine nga programa.
Sine nga tuig, an mga Ten Outstanding Students san nasud mao sira Roger Montepio Flores (Philippine Military Academy, BS Naval Science); Miguel Antonio Barreto Garcia (University of San Carlos, AB Economics); Aidel Paul Garcia Belamide (University of the Philippines Los Banos, BA); Ann Bernaldez Crusit (University of Bohol, BS Education);
Paul John Basubas Gesta (University of Cebu, BSC Management); Adrian Clark San Pascual Mundin (Ateneo de Manila University, BS Management Engineering); Stacy Danika Sia Alcantara (Silliman University, AB Mass Communication);
Stephen Alexeus Gorgonio Baltazar (University of San Carlos, BS Accountancy); Nicole Marie Regner Villarojo (De La Salle University, BSC Marketing Management & AB Economics); and Carlos Ramos Gerogalin Jr. (West Negros University, BS Education).
Nagpahayag gihapon an Presidente nga kanya ginuundong an "One Scholarship One Town Program pag asister san academic ngan intellectual development san mga naumumuno ngan nga estudyante.
Sugad san Presidente nga an edukasyon in gintatagan dako nga balor sa Pilipinas. Sayu ine nga paagi tikadto sin mas maupay nga kinabuhi. An mga kabataan dugang nga sugad san Presidente mao in mga yaman san nasud ngan angay sira tagan bulig sa kanra mga paningkamot nga makakuha sin mas maupay nga kinabuhi. (PIA-Northern Samar) [top]
