Waray-Waray News: 10,000 pulis pagkikinahanglanon sunod nga tuig
Manila (8 July) -- Iginpublikar ni President Gloria Macapagal-Arroyo nga pagkikinahanglanon in diyes mil (10,000) nga kapulisan hiton sunod nga tuig abir makadugang han yana nga pwersa han Philippine National Police (PNP).
Iginsering ine ni Pres. Arroyo kakulop durante han paghatag pasidungog ngadto han kanan "PNP 10-outstanding policemen" proyekto nga ginbubuligan han Metrobank Foundation, PSBank ug Rotary Club.
Mismo daw hi PNP Chief Superintendent Jesus Versoza an gintagan kamanduan han Presidente nga ig-upod ha isusumitir nga budget para 2010 an pag-hire hin kadugangan nga diyes mil nga pulis agud mabuligan an yana nga pwersa dida ha pagmantinir han kamurayawan ha nasud.
Sumala kan Versoza bisan kun an sweldo han bag-o nga pulis in aada la ha noybe mil pesos (P9,000.00) nahimumunta ine hin kinse mil (P15,000.00) tungod han iba-iba nga alowans nga iginhahatag ha ira.
Inabot naman daw hin sais mil (6,000) nga pulis an na-hire han yana nga tuig, dugang pa ni Versoza.
Ginlamano ni Pres. Arroyo in napulo nga mga awardees nga kapulisan tungod han ira maupay nga pagserbisyo, ug kinarawat daw an kada usa hin dos syentos singkwenta mil pesos (P250,00.00) ug hin tropeyo. (PIA-Eastern Samar) [top]
