Presidential Communications Operations Office



  PIA Bldg, Visayas Ave, Diliman, Quezon City, Philippines
  Thursday, 19 May 2022 News Before 1 Feb 2012. Click for Latest
Web PIA  
 
home
 
about
 
fotos
 
info
 
links
 
ncrr01carr02r03calmimr05r06r07r08r09r10r11r12r13
 << May 2022 >> 
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
Special News Editions:
English.Tagalog.Cebuano
Ilocano.Waray.Hiligaynon
Pangasinan.Other
PIA Specials:
NEW! Cabinet Officials
Jobs.Slides.Specials.Ads. Events.ASEAN.Multimedia
Visitors since 15 Feb 2011:
PIA News Archive:
English.Tagalog.Cebuano
Waray.Hiligaynon.Ilocano
Pangasinan.All
PIA Archive News Reader

PIA Press Release
2009/07/09

Waray-Waray News: Usa nga krimen an dire pagbayad hin buhis

Manila (9 July) -- An dire pagbabayad han buhis hin usa nga tawo nga ginagabay lugod talikdan an iya obligasyon komo usa nga responsabli nga membro han sosyedad in nakakabalaong han pag-ursa han ekonomiya han nasud ug matatawag ine nga krimen.

Ginbabana-bana han Department of Finance nga an dire pagbabayad hin buhis hin pira nga molopyo in nahimumutang hin kalugian han goberno hin maabot P107 bilyon, niyan la ine han tuig 2006.

Pananglitan daw, an mga buhis nga unta makukuha tikang hin mga kompaniya hin negosyo in kulang kaupay hin P82 bilyon. Nagsering daman an BIR nga, 80,000 nga mga kompaniya an nakarehistro ha mga lokal nga panggobernohan la, ug waray ha ira mag-agi an mga papeles, suma-total, dire hira na-ooblegar hin pagbayad hin buhis nga unta kikitaon ine han nasyonal nga panggobernohan, kay waray man nira rehistro ha BIR.

Kun hin-o pa an gudti an kinikita, sugad han mga inadlaw la an panoholan, asya lugod an mga tangkod nga nabayad han ira kaburuhisan tungod kay waray man nira kapas nga makaibitar han kabaraydan sugad han dagko nga mga negosyante nga nagpapatakas la han mga pamaagi ug enpluwensya ha poder basi dire hira makabayad han ira obligasyon ha goberno.

An magpakalolo-oy nga mga empleyado in gin-iibanan na nga daan han ira kaburuhisan, antis pa man nira nakakarawat an ira saka-tukoy nala nga sweldo, samtang an mga gamhanan nga mga riko ug negosyante in dire gud nag-iintinde hine nga dako unta nga obligasyon ha goberno ug katawhan, imbis nga angay ngani lugod nga hira an mag-uuna ug mapasobra pa ngani hin pira ka- pesosay kun hira in nabayad, kay hira man it mga bahandianon ug may karikuhan; kundi, dire gad, kay aada man ha ira an ngatanan nga pamaagi, legal man o dire agud la matahuban an ira makarima-dima nga pagsupak han ira obligasyon ha tawo, goberno ug Ginoo.

Ha luyo hine, hura pa lugod nga mga balaudnon in namimintana ha Kamara de Representantes nga magpapaiban pa lugod han mga kaburuhisan hin hura nga karikohan. Ano na ba ine?

Usa na dinhe an pagpaiban han buhis ha sigarilyo ug mga makahurobog nga irinmon ngan han pagpabulkasa han buhis ha mga duty-free ug an pagpapirmahi hin net-income-tax system nga unta makakakolekta hin P5Bilyon ha goberno. Usa daw daman an pagpasa han mga magbabalaud han "fiscal incentives rationalization bill" nga daw makakahikay hin P10 Bilyon han goberno o sobra pa.

An mga pinapalabay nala nga kaburuhisan in namumunta daw nga kalugian han goberno hin naabot P300 bilyon sugad man an mga inismagol nga mga sigarilyo nga unta nakita an goberno hin tikang P23.6Bilyon ngadto P29 Bilyon, in nagdadara hin regular nga kalugian.

Sumala han Philippine Institute for Development Studies, subay han ira mga pag-aram, ine nga pagminalakahuhurma hin mga balaudnon ha reporma ha buhis in katapos-taposan, makakahurma ine nga mga magbabalaud hin duha la nga balaud: dire ngani it balaud hin pagpaiban hin kaburuhisan, balaud hin paglikay han kabaraydan hin buhis.

Hain man hine nga duha in nagdudurot hin kapirdihan ha goberno ug distroso ha panguna nga katuyuanan han sistema han panmuhis. (PIA-Eastern Samar) [top]

|«  prev  next  »|
DAILY NEWS LIST:
»House of Reps seen to support 4Ps
»Advocates celebrate World Population Day, renew support for RH
»JEEP in Zambo school to improve English proficiency for key industries
»BIR tightens watch against tax evaders
»Feature: OPLAN Kandado, a reasonable law
»Exhumation continues - CHR
»DPWH launches training center
»Tagalog News: CLEEP tuloy-tuloy na ipinatutupad ng DILG sa Quezon
»Tagalog News: 197 Quezonians, natulungang magkaroon ng trabaho sa programang OTOP
»Lanao Sur Gov urges constituents to support moral renewal program
|«  prev  next  »|

Philippine Official Gazette | Office of the President | Presidential Communications Operations Office
For comments and feedback, please email PIA Newsdesk
Copyright © 2005 Philippine Information Agency
PIA Building, Visayas Avenue, Diliman, Quezon City 1101 Philippines