Manila (13 July) -- Gindiwara ni Health Secretary Francisco Duque ngan Manila sixth district Congressman Bienvenido Abante an mga akusasyon nga may-ada "conspiracy" an Malacanang ngan mga pharmaceutical companies bahin han presyo han mga medisina. An akusasyon in tikang kan Senador Manuel "Mar" Roxas II.

Segun kan Roxas, Hi Presidente Arroyo in nakipag meeting hin sikreto ha mga drug companies aber ma delatar pagpirma han maximum retail price (MRP) list han cheaper medicines law.

Dugang ni Roxas, nagsabot daw an duha nga diri na magpabutang hin ceiling price han pina komon nga medisina.

Gindiwara ni Duque ngan Abante an pagbutang butang ni Roxas.

Dire gad daw sikreto komo mismo hi PGMA in nagatwag hin security guard ngan duha nga ordinaryo nga empleyado pagpakiana kun nakakaapong hir han presyo han mga medisina.

An meeting in nahitabo han July 8 kataliwan magdumara hi PGMA hin inspection han future site han tutukuron nga Dr. Eva Macaraeg Macapagal National Center for Geriatric Health ha anay Singian Hospital ha San Miguel, Manila.

Dapat daw segun kan Abante sabihon ni Roxas kun hin-o manggud an iya surok komo hiya mismo daw in kaparte han meeting ug diri daw hiya matugot hini nga conspiracy komo hiya in Obispo hin dako nga evangelical denomination.

Lugod segun naman kan Duque gintagan ni Presidente an mga drug manufacturers hin diez diaz kutob July 18 nga pahabubu-an hin 50 percent an mga presyo han prescriptive medicines.

Diri daw tinuod nga waray hira magbuhat hin konsultasyon ha mga drug companies ha ira paghimo han draft EO para ha cheaper medicines.

Upat daw nga konsultasyon an ira gihimo kaupod an mga representatives han member companies han Pharmaceutical and Healthcare Association of the Philippines.